អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងផ្អាកធ្វើសវនាការលើសំណុំរឿង ០០២ មួយរយៈពេលខ្លី ចាប់ពីថ្ងៃទី១៧ ខែកុម្ភៈ ឆ្នាំ២០១២ ដើម្បីរៀបចំកិច្ចការនានាសម្រាប់សវនាការនាពេលខាងមុខ បន្ទាប់ពីបញ្ចប់សវនាការវគ្គទីមួយក្នុងឆ្នាំ២០១២។ សវនាការលើសំណុំរឿង ០០២ ប្រឆាំងនឹងជនជាប់ចោទ ខៀវ សំផន នួន ជា និង អៀង សារី នឹងបន្តធ្វើនៅថ្ងៃទី១២ ខែមីនា ឆ្នាំ២០១២។
តាំងពីការចាប់ផ្តើមនៃការធ្វើសេចក្តីសន្និដ្ឋានបទចោទប្រកាន់នៅក្នុងសំណុំរឿង ០០២ កាលពីថ្ងៃ ទី២១ ខែវិច្ឆិកា ឆ្នាំ២០១១ សាធារណជនចំនួន ២០ ២៥៧ នាក់ បានចូលរួមតាមដានសវនាការដោយផ្ទាល់ នៅសាលសវនាការនៃ អ.វ.ត.ក។ សមាសភាពនេះរួមមាន សិស្ស និស្សិត តំណាងអង្គការក្រៅរដ្ឋាភិបាល ភ្ញៀវអន្តរជាតិ និងប្រជាជនកម្ពុជាមកពីគ្រប់ទិសទីនៃព្រះរាជាណាចក្រកម្ពុជាតាមរយៈកម្មវិធីផ្សព្វផ្សាយរបស់តុលាការ។ ជាងនេះទៅទៀត មានអ្នកតាមដានការផ្សាយបន្តផ្ទាល់តាមប្រព័ន្ធ វីដេអូអ៊ិនធឺណិត របស់ អ.វ.ត.ក ជាមធ្យម ៧១ នាក់ក្នុងមួយថ្ងៃៗ។ ការផ្សាយបន្តផ្ទាល់តាមប្រព័ន្ធ វីដេអូអ៊ិនធឺណិត ដែលផ្តល់ជូនដោយ អ.វ.ត.ក នេះកំពុងស្ថិតនៅក្នុងដំណាក់កាលសាកល្បងនៅឡើយ និងមានតែភាសាអង់គ្លេសប៉ុណ្ណោះ។
តាំងពីការចាប់ផ្តើមនៃការធ្វើសេចក្តីសន្និដ្ឋានបទចោទប្រកាន់ សវនាការនៃអង្គជំនុំជម្រះសាលាដំបូងលើសំណុំរឿង ០០២ បានប្រព្រឹត្តទៅរយៈពេលសរុបចំនួន ៣៣ថ្ងៃ។
តាំងពីការចាប់ផ្តើមនៃការធ្វើសេចក្តីសន្និដ្ឋានបទចោទប្រកាន់នៅក្នុងសំណុំរឿង ០០២ កាលពីថ្ងៃ ទី២១ ខែវិច្ឆិកា ឆ្នាំ២០១១ សាធារណជនចំនួន ២០ ២៥៧ នាក់ បានចូលរួមតាមដានសវនាការដោយផ្ទាល់ នៅសាលសវនាការនៃ អ.វ.ត.ក។ សមាសភាពនេះរួមមាន សិស្ស និស្សិត តំណាងអង្គការក្រៅរដ្ឋាភិបាល ភ្ញៀវអន្តរជាតិ និងប្រជាជនកម្ពុជាមកពីគ្រប់ទិសទីនៃព្រះរាជាណាចក្រកម្ពុជាតាមរយៈកម្មវិធីផ្សព្វផ្សាយរបស់តុលាការ។ ជាងនេះទៅទៀត មានអ្នកតាមដានការផ្សាយបន្តផ្ទាល់តាមប្រព័ន្ធ វីដេអូអ៊ិនធឺណិត របស់ អ.វ.ត.ក ជាមធ្យម ៧១ នាក់ក្នុងមួយថ្ងៃៗ។ ការផ្សាយបន្តផ្ទាល់តាមប្រព័ន្ធ វីដេអូអ៊ិនធឺណិត ដែលផ្តល់ជូនដោយ អ.វ.ត.ក នេះកំពុងស្ថិតនៅក្នុងដំណាក់កាលសាកល្បងនៅឡើយ និងមានតែភាសាអង់គ្លេសប៉ុណ្ណោះ។
តាំងពីការចាប់ផ្តើមនៃការធ្វើសេចក្តីសន្និដ្ឋានបទចោទប្រកាន់ សវនាការនៃអង្គជំនុំជម្រះសាលាដំបូងលើសំណុំរឿង ០០២ បានប្រព្រឹត្តទៅរយៈពេលសរុបចំនួន ៣៣ថ្ងៃ។
នៅក្នុងអំឡុងពេលនេះ ក្រៅពីបានសួរដេញដោលជនជាប់ចោទ
អង្គជំនុំជម្រះសាលាដំបូងក៏បានសួរដើមបណ្តឹងរដ្ឋប្បវេណីចំនួន ២រូប
និងបានសួរសាក្សីចំនួន ៥រូប។ សំណុំឯកសារនៅក្នុងសំណុំរឿង ០០២
មានសរុបទាំងអស់ចំនួន ៥៦៤ ០០០ ទំព័រ៕