អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាថ្នាក់តំបន់លើកទី១ ក្នុងឆ្នាំ ២០១២ នេះនៅខេត្តកំពង់ស្ពឺ សម្រាប់ដើមបណ្តឹងរដ្ឋប្បវេណីចំនួន ១៥០ នាក់ នៃសំណុំរឿង ០០២។ វេទិកាថ្នាក់តំបន់នេះនឹងធ្វើនៅបន្ទប់ប្រជុំ ទាសេងហេង ក្រុងច្បារមន ខេត្តកំពង់ស្ពឺ នាថ្ងៃសុក្រ ទី ១៦ ខែមីនា ឆ្នាំ២០១២ វេលាម៉ោង១:០០រសៀល ដល់ ម៉ោង៤:៣០ រសៀល។ (អត្តសញ្ញាណរបស់ដើមបណ្តឹងរដ្ឋប្បវេណីនឹងត្រូវបានរក្សាជាសម្ងាត់) ។ វេទិកាថ្នាក់តំបន់នេះមានគោលបំណង (១)ផ្តល់ព័ត៌មានថ្មីៗអំពីការវិវឌ្ឍរបស់ អ.វ.ត.ក ទាក់ទងនឹងសំណុំរឿង ០០២ ដល់ដើមបណ្តឹងរដ្ឋប្បវេណី (២) ដើម្បីឲ្យដើមបណ្តឹងរដ្ឋប្បវេណីទទួលបានការពន្យល់ពីមេធាវីរបស់ខ្លួននូវដំណើការនៃការបំបែកនីតិវីធីសំណុំរឿង០០២ដែលកំពុងជម្រះក្តីជាផ្នែកៗដាច់ពីគ្នា និង(៣)ដើម្បីឲ្យដើមបណ្តឹងរដ្ឋប្បវេណីទាំងនោះប្រើប្រាស់សិទ្ទិរបស់ខ្លួន។ ដើមបណ្តឹងរដ្ឋប្បវេណីទាំង១៥០នាក់ក្នុងចំណោមដើមបណ្តឹងរដ្ឋប្បវេណីទាំង ៣ ៨៦៤ នាក់ ធ្វើដំណើរមកពីខេត្ត កណ្តាល កំពត ព្រៃវែង និង កំពង់ស្ពឺ មិនដែលធ្លាប់បានចូលរួមស្តាប់សវនាការនៃសំណុំរឿង០០២ក្នុងត្រីមាសទី១ ឆ្នាំ២០១២នេះទេ។ វេទិកាថ្នាក់តំបន់នេះនឹងផ្តល់ឱកាសពិសេសសម្រាប់មេធាវីដើមបណ្តឹងរដ្ឋប្បវេណី និងដើមបណ្តឹងរដ្ឋប្បវេណីទាំង ១៥០ បានជួបគ្នាដើម្បីពិភាក្សាពន្យល់អំពីការវិវឌ្ឍថ្មីៗនៃសំណុំរឿង០០២ និងស្វែងយល់ អំពីដំណាក់កាលដែលដើមបណ្តឹងរដ្ឋប្បវេណីទទួលរងគ្រោះដោយឧក្រិដ្ឋកម្មផ្សេងៗគ្នាត្រូវចូលរួមនៅក្នុងដំណើរការកាត់សេចក្តីជាផ្នែកៗដាច់ពីគ្នានេះ។ អង្គភាពគាំពារជនរងគ្រោះមានផែនការរៀបចំវេទិកាថ្នាក់តំបន់ចំនួន ៨ លើកក្នុងឆ្នាំ២០១២-២០១៣ ស្ថិតក្នុងគម្រោង “អត្ថន័យនៃការចូលរួមរបស់ជនរងគ្រោះក្នុងដំណើរការនីតិវិធី អ.វ.ត.ក”។ កាលពីឆ្នាំ២០០៩-២០១១ អង្គភាពគាំពារជនរងគ្រោះបានរៀបចំវេទិកាថ្នាក់តំបន់ចំនួន១៤លើករួចមកហើយ ស្ថិតក្នុងក្របខ័ណ្ឌគម្រោង “ការធ្វើឲ្យប្រសើរឡើងដល់ការចូលរួមរបស់ជនរងគ្រោះក្នុងដំណើការនីតិវិធី អ.វ.ត.ក”។
អង្គភាពគាំពារជនរងគ្រោះនឹងរៀបចំវេទិកាថ្នាក់តំបន់លើកទី១ ឆ្នាំ២០១២ នៅក្រុងច្បាមន ខេត្តកំពង់ស្ពី សម្រាប់ដើមបណ្តឹងរដ្ឋប្បវេណីនៃសំណុំរឿង ០០២
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…