អត្ថបទព័ត៌មាន
ការបន្តធ្វើផែនការសម្រាប់ការស្នើសុំគម្រោងសំណងក្នុងសំណុំរឿង ០០២/០២
តាមរយៈការរៀបចំដោយជោគជ័យនូវកិច្ចពិគ្រោះយោបល់ជាមួយភាគីពាក់ព័ន្ធស្តីអំពីសំណងក្នុងសំណុំរឿង ០០២/០២ កាលពីខែមុន អង្គភាពគាំពារជនរងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី នឹងរៀបចំ កិច្ចពិគ្រោះយោបល់មួយផ្សេងទៀត ជាមួយដើមបណ្តឹងរដ្ឋប្បវេណី អំពីសំណងក្នុងសំណុំរឿង ០០២/០២ ដែលនឹងប្រព្រឹត្ត ទៅនៅថ្ងៃទី ២១ ខែកក្កដា ឆ្នាំ២០១៤ ចាប់ពីម៉ោង៨ ព្រឹក ដល់ ៥ល្ងាច នៅមជ្ឈមណ្ឌលសហប្រតិបត្តិការកម្ពុជា¬-កូរ៉េស្ថិតនៅក្នុងបរិវេណសាកលវិទ្យាល័យភូមិន្ទភ្នំពេញ។
សិក្ខាសាលាស្តីពីច្បាប់ព្រហ្មទណ្ឌអន្តរជាតិ និងសិទិ្ធមនុស្សសម្រាប់និស្សិតច្បាប់
អង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) សហការជាមួយវិទ្យាស្ថានសិទ្ធិមនុស្ស និងច្បាប់ ព្រហ្មទណ្ឌអន្តរជាតិ Raoul Wallenberg (RWI) ជាម្ចាស់ផ្ទះរៀបចំសិក្ខាសាលាជាច្រើនស្តីពីប្រធានបទផ្សេងៗជុំវិញច្បាប់ព្រហ្មទណ្ឌអន្តរជាតិ និងច្បាប់សិទ្ធិមនុស្ស។ សិក្ខាសាលាទាំងនេះមានគោលបំណងបង្កើនការយល់ដឹង និងចំណេះដឹងអំពីប្រធានបទទាំងនេះដល់និស្សិតច្បាប់និងសាស្រ្តាចារ្យ/អ្នកស្រាវជ្រាវច្បាប់នៅក្នុងប្រទេសកម្ពុជាព្រមទាំងជាវេទិកាជជែកពិភាក្សារវាងអ្នកច្បាប់នៅ អ.វ.ត.ក និងអ្នកសិក្សា
ប្រទេសស៊ុយអែតប្រកាសផ្តល់វិភាគទានចំនួន ៣០ លានក្រូណា
រដ្ឋាភិបាលស៊ុយអែតបានប្រកាសផ្តល់វិភាគទានថ្មីមួយទៀតចំនួន ៣០ លានក្រូណា (ប្រហាក់ប្រហែល ៤,៥ លានដុល្លារសហរដ្ឋអាម៉េរិក) ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ឆ្នាំ ២០១៤ និង២០១៥។ ជាមួយការផ្តល់វិភាគទានថ្មីនេះ ប្រទេសស៊ុយអែត បានផ្តល់ជំនួយហិរញ្ញវត្ថុដល់ អ.វ.ត.ក ចំនួនជាង ១០ លានដុល្លារសហរដ្ឋអាម៉េរិក។ ស៊ុយអែតគឺជាប្រទេសម្ចាស់ជំនួយដ៏សំខាន់មួយរបស់ អ.វ.ត.ក ហើយក៏ជាសមាជិកមួយក្នុងចំណោមក្រុមប្រទេសផ្តល់ជំនួយសំខាន់ៗ ដល់ អ.វ.ត.កដែរ។
ប្រទេសម៉ាឡេស៊ីផ្តល់វិភាគទាន ៥០ ០០០ ដុល្លារសហរដ្ឋអាម៉េរិកដល់ អ.វ.ត.ក
រដ្ឋាភិបាលម៉ាឡេស៊ី បានផ្តល់វិភាគទានជាទឹកប្រាក់ចំនួន ៥០ ០០០ ដុល្លារសហរដ្ឋអាម៉េរិកដល់ភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ម៉ាឡេស៊ីជាប្រទេសម្ចាស់ជំនួយថ្មីមួយទៀតរបស់ អ.វ.ត.ក ហើយ ការផ្តល់វិភាគទាននេះធ្វើឡើងដើម្បីឆ្លើយតបនឹងការអំពាវនាវរបស់ឯកឧត្តម បាន គីមូន អគ្គលេខាធិការអង្គការសហប្រជា ជាតិ និងរាជរដ្ឋាភិបាលកម្ពុជា។ សហគមន៍អន្តរជាតិត្រូវបានស្នើសុំឲ្យជួយផ្តល់នូវការគាំទ្រផ្នែកហិរញ្ញវត្ថុជាបន្ទាន់ដល់ អ.វ.ត.ក។
អ.វ.ត.ក និងក្រសួងវប្បធម៌ចុះហត្ថលេខាលើអនុស្សរណៈយោគយល់គ្នាស្តីពីការសាងសង់ស្តូបរំឭកវិញ្ញាណក្ខន្ធនៅសារមន្ទីរប្រល័យពូជសាសន៍ទួលស្លែង
អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងក្រសួងវប្បធម៌ និងវិចិត្រសិល្បៈ នឹងចុះហត្ថលេខាលើអនុស្សរណៈយោគយល់គ្នាស្តីពីការសាងសង់ស្តូបរំឭកវិញ្ញាណក្ខន្ធនៅសារមន្ទីរប្រល័យពូជសាសន៍ទួលស្លែង ដើម្បីទុកជាការរំឭកដល់ជនរងគ្រោះដែលបានបាត់បង់ជីវិតនៅទីនោះក្នុងរបបខ្មែរក្រហមពីឆ្នាំ ១៩៧៥ ដល់ឆ្នាំ១៩៧៩។ ពិធីចុះហត្ថលេខានេះនឹងប្រព្រឹត្តទៅនៅថ្ងៃទី១០ ខែកក្កដា ឆ្នាំ២០១៤ វេលាម៉ោង ៩ ព្រឹក នៅសារមន្ទីរប្រល័យពូជសាសន៍ទួលស្លែងក្រោមអធិបតីភាព ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃអ.វ.ត.ក និង ឯកឧត្តម ជុច ភឿន រដ្ឋលេខាធិការ ក្រសួង វប្បធម៌ និងវិចិត្រសិល្បៈ។
ប្រទេសអូស្ត្រាលីប្រកាសផ្តល់ជំនួយថវិកាចំនួន ៣,២៥ លានដុល្លារអូស្ត្រាលីដល់អ.វ.ត.ក
រដ្ឋាភិបាលអូស្ត្រាលី បានប្រកាសសន្យាផ្តល់វិភាគទានហិរញ្ញវត្ថុថ្មីចំនួន ៣,២៥ លានដុល្លារអូស្ត្រាលី (ប្រមាណ ៣ លានដុល្លារសហរដ្ឋអាម៉េរិក) ជូនដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជាមួយការសន្យាថ្មីនេះ ប្រទេសអូស្ត្រាលីបានផ្តល់វិភាគទានហិរញ្ញវត្ថុសរុបចំនួន ជាង ២៦លានដុល្លារអូស្ត្រាលីដល់ អ.វ.ត.ក ។ អូស្ត្រាលីគឺជាម្ចាស់ជំនួយធំទី២ របស់ អ.វ.ត.ក និងបានគាំទ្រតុលាការនេះចាប់តាំងពីការបង្កើតមកម៉្លេះ។
សេចក្តីថ្លែងការណ៍របស់ក្រុមប្រទេសផ្តល់ជំនួយសំខាន់ៗ ដល់អង្គជំនុំជម្រះវិសាមញ្ញក្នុងតុលាការកម្ពុជា
ថ្ងៃនេះ តំណាងក្រុមប្រទេសផ្តល់ជំនួយសំខាន់ៗ (PDG) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ដែលមានទីស្នាក់ការនៅទីក្រុងញូវយ៉ក បានបញ្ចប់ដំណើរទស្សនកិច្ចដ៏សំខាន់មួយដែលមានរយៈពេលបីថ្ងៃមកកាន់រាជធានីភ្នំពេញ។ PDG ជាក្រុមប្រទេសផ្តល់ជំនួយសំខាន់ៗ ដែលបំពេញកិច្ចការជាមួយអង្គការសហប្រជាជាតិដើម្បីជួយដល់ អ.វ.ត.ក ពង្រឹងការប្តេជ្ញាចិត្តរបស់ខ្លួនចំពោះអ.វ.ត.ក និងការស្វែងរកយុត្តិធម៌សម្រាប់ជនរងគ្រោះដោយអំពើឃោរឃៅនៃរបបខ្មែរក្រហម។
សេចក្តីជូនដំណឹងស្តីពីសន្និសីទសារព័ត៌មានរបស់ក្រុមប្រទេសផ្តល់ជំនួយសំខាន់ៗដល់ អ.វ.ត.ក
តំណាងក្រុមប្រទេសផ្តល់ជំនួយសំខាន់ៗដល់សាលាក្តីខ្មែរក្រហម ដែលមានទីស្នាក់ការ នៅទីក្រុងញូវយ៉ក បាននិងកំពុងបំពេញទស្សនកិច្ចនៅអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) ពីថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០១៤។ នាឱកាសនេះ តំណាងក្រុមប្រទេសផ្តល់ជំនួយសំខាន់ៗនឹងធ្វើសន្និសីទសារព័ត៌មាននៅថ្ងៃសុក្រ ទី២៧ ខែមិថុនា ឆ្នាំ ២០១៤ នៅវេលាម៉ោង ១១:៤៥ នាទី នៅសណ្ឋាគារសាន់វ៉េ។ ប្រព័ន្ធផ្សព្វផ្សាយនានាត្រូវបានអញ្ជើញចូលរួមក្នុងសន្និសីទសារព័ត៌មាននេះ។
កម្មវិធីវិទ្យុប្រចាំសបា្តហ៍របស់ អ.វ.ត.ក នឹងចាប់ផ្តើមផ្សាយឡើងវិញនៅថ្ងៃទី១៩ ខែមិថុនា ឆ្នាំ ២០១៤
អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងចាប់ផ្តើមដំណើរការឡើងវិញកម្មវិធីវិទ្យុប្រចាំសបា្តហ៍របស់ខ្លួននៅថ្ងៃទី១៩ ខែមិថុនា ឆ្នាំ ២០១៤ បន្ទាប់ពីបានផ្អាករយៈពេលពីរខែ។ កម្មវិធី “ការជំនុំជម្រះក្តីលើអតីតមេដឹកនាំខ្មែរក្រហម” ផ្សាយផ្ទាល់រៀងរាល់ថ្ងៃព្រហស្បតិ៍ វេលាម៉ោង ១២:០០ - ១៣:០០ រសៀល តាមរយ:រលកធាតុអាកាសនៃស្ថានីយ៍វិទ្យុបាយ័ន FM ៩៥ MHZ ។
សវនាការបឋមលើសំណុំរឿង០០២/០២នឹងប្រព្រឹត្តទៅនៅថ្ងៃទី៣០ ខែកក្កដា ឆ្នាំ ២០១៤
អង្គជំនុំសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសថា សវនាការបឋមលើសំណុំរឿង០០២/០២ ប្រឆាំងនឹងជនជាប់ចោទ ខៀវ សំផន និងនួន ជា នឹងប្រព្រឹត្តទៅនៅក្នុងសាលសវនាការនៃ អ.វ.ត.ក នៅថ្ងៃពុធ ទី៣០ ខែកក្កដា ឆ្នាំ ២០១៤ ចាប់ពីម៉ោង ៩ ព្រឹកតទៅ។ ប្រសិនបើចាំបាច់ សវនាការនេះអាចនឹងបន្តនៅថ្ងៃព្រហស្បតិ៍ ទី៣១ ខែកក្កដា ទៀត។សំណុំរឿង០០២/០២ គឺជាការជំនុំជម្រះក្តីដំណាក់កាលទី២ ដែលបំបែកចេញមកពីដីកាដំណោះស្រាយក្នុងសំណុំរឿង០០២។ អង្គជំនុំជម្រះសាលាដំបូងបានសម្រេច
សវនាការបឋមលើសំណុំរឿង០០២/០២ ប្រឆាំងនឹងជនជាប់ចោទ ខៀវ សំផន និងនួន ជា នឹងប្រព្រឹត្តទៅនៅថ្ងៃទី៣០ ខែកក្កដា ឆ្នាំ ២០១៤
អង្គជំនុំសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសថា សវនាការបឋមលើសំណុំរឿង០០២/០២ ប្រឆាំងនឹងជនជាប់ចោទ ខៀវ សំផន និងនួន ជា នឹងប្រព្រឹត្តទៅនៅក្នុងសាលសវនាការនៃ អ.វ.ត.ក នៅ ថ្ងៃពុធ ទី៣០ ខែកក្កដា ឆ្នាំ ២០១៤ ចាប់ពីម៉ោង ៩ ព្រឹកតទៅ។ ប្រសិនបើចាំបាច់ សវនាការនេះអាចនឹងបន្តនៅថ្ងៃព្រហស្បតិ៍ ទី៣១ ខែកក្កដា ទៀត។សំណុំរឿង០០២/០២ គឺជាការជំនុំជម្រះក្តីដំណាក់កាលទី២ ដែលបំបែកចេញមកពីដីកាដំណោះស្រាយក្នុងសំណុំរឿង០០២។ អង្គជំនុំជម្រះសាលាដំបូងបានសម្រេចបំបែក
ព័ត៌មានស្តីពីការចូលរួមរបស់សាធារណជន និងអ្នកសារព័ត៌មាននៅក្នុងថ្ងៃប្រកាសសាលក្រម ក្នុងសំណុំរឿង ០០២/០១ ប្រឆាំងនឹង ខៀវ សំផន និង នួន ជា នៅថ្ងៃទី ០៧ ខែ សីហា ឆ្នាំ ២០១៤
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសថា សាលក្រមក្នុងសំណុំរឿង ០០២/០១ ប្រឆាំងនឹង ខៀវ សំផន និង នួន ជា នឹងប្រកាសនៅក្នុងសាលសវនាការនៃ អ.វ.ត.ក នៅថ្ងៃ ព្រហស្បតិ៍ ទី ៧ ខែ សីហា ឆ្នាំ ២០១៤ វេលាម៉ោង ៩ ព្រឹក។
ការចាប់ផ្តើមធ្វើផែនការសម្រាប់ការស្នើសុំគម្រោងសំណងសំណុំរឿង០០២/០២
សំណើសុំចុងក្រោយរបស់ដើមបណ្តឹងរដ្ឋប្បវេណីស្តីពីសំណង ក្នុងសំណុំរឿង០០២/០១ ត្រូវបានដាក់ដោយជោគជ័យ នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នាពេលកន្លងមក។ ការរៀបចំបង្កើតសំណើស្តីពីគម្រោងសំណងសម្រាប់សវនាការបន្ទាប់ក្នុងសំណុំរឿង ០០២/០២ នឹងត្រូវចាប់ផ្តើម។ អង្គភាពគាំពារជនរងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី នឹងពិគ្រោះយោបល់ជាមួយដើមបណ្តឹងរដ្ឋប្បវេណី មេធាវីតំណាងដើមបណ្តឹងរដ្ឋប្បវេណី អង្គការសង្គមស៊ីវិល សមាគមជនរងគ្រោះ អាជ្ញាធរ និងម្ចាស់ជំនួយដើម្បីកំណត់និងពិភាក្សាលើសំណើស្តីពីគម្រោងសំណងសក្តានុពលសម្រាប់ជាប្រយោជន៍របស់ជនរងគ្រោះនៃអតីតរបបខ្មែរក្រហម។
ការប្រកាសសាលក្រមក្នុងសំណុំរឿង ០០២/០១ ប្រឆាំងនឹង នួន ជា និង ខៀវ សំផន នឹងធ្វើឡើងនៅថ្ងៃទី៧ ខែសីហា ឆ្នាំ២០១៤
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសថា សាលក្រមនៃសំណុំរឿង០០២/០១ ពាក់ព័ន្ធនឹង នួន ជា និងខៀវ សំផន នឹងត្រូវប្រកាសនៅថ្ងៃព្រហស្បតិ៍ ទី៧ ខែសីហា ឆ្នាំ២០១៤ វេលាម៉ោង ០៩:០០ ព្រឹក នៅក្នុងសាលសវនាការធំនៃ អ.វ.ត.ក។ ប្រសិនបើរកឃើញថា មានពិរុទ្ធភាព នោះសេចក្តីសម្រេចអំពីការផ្តន្ទាទោស និងអំពីការទាមទារសំណងរបស់ដើមបណ្តឹងរដ្ឋប្បវេណី ក៏នឹងត្រូវប្រកាសនៅក្នុងពេលនោះដែរ។ជនជាប់ចោទក្នុងសំណុំរឿង០០២/០១ រួមមាននួន ជា អតីតអនុលេខាបក្សកុម្មុយនីស្តកម្ពុជា និង ខៀវ សំផន អតីតប្រមុខរដ្ឋនៃកម្ពុជាប្រជាធិបតេយ្យ។ សវនាការលើសំណុំ
លោកស្រី MARIE GUIRAU ត្រូវបានតែងតាំង ជាសហមេធាវីនាំមុខអន្តរជាតិតំណាងដើមបណ្តឹងរដ្ឋប្បវេណី
លោកស្រី Marie Guiraud (ជនជាតិបារាំង) ត្រូវបានតែងតាំងជាសហមេធាវីនាំមុខអន្តរជាតិថ្មីតំណាង ដើមបណ្តឹងរដ្ឋប្បវេណីនៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ចាប់ពីថ្ងៃទី ០១ ខែ មិថុនា ឆ្នាំ ២០១៤ តទៅ។លោកស្រី Marie Guiraud មានបទពិសោធន៍ រយៈពេល ១៥ ឆ្នាំក្នុងវិស័យនីតិព្រហ្មទណ្ឌ និងនីតិសិទ្ធិមនុស្ស។ លោកស្រីទទួលបានសញ្ញាបត្របរិញ្ញាបត្រជាន់ខ្ពស់ផ្នែកនីតិអន្តរជាតិសាធារណៈ និងសិទ្ធិមនុស្សនៅសាកលវិទ្យាល័យ University College London និងសញ្ញាបត្រនីតិសាស្ត្រកម្រិតក្រោយបរិញ្ញាបត្រមកពីសាកលវិទ្យាល័យម៉ុងពឺលី
មហាសន្និបាតអង្គការសហប្រជាជាតិអនុម័តថវិកាបម្រុងចំនួន ១៥,៥លានដុល្លារអាម៉េរិក
មហាសន្និបាតអង្កការសហប្រជាជាតិបានអនុម័តលើកញ្ចប់ថវិកាឧបត្ថម្ភធនចំនួន ១៥,៥លានដុល្លារអាម៉េរិកដល់ភាគី អន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ថវិកាឧបត្ថម្ភធននេះត្រូវបានចាត់ទុកថាជាថវិកាបម្រុង ដែលនឹងបន្ថែមទៅលើការផ្តល់វិភាគទានស្ម័គ្រចិត្តសម្រាប់ភាគី អន្តរជាតិនៃសាលាក្តីសម្រាប់រយៈពេលពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ ២០១៤។ ថវិកាបម្រុងនេះអាចអនុញ្ញាតឲ្យអង្គការសហប្រជាជាតិធ្វើកិច្ចសន្យាការងារជាមួយមន្ត្រីបុគ្គលិកអន្តរជាតិ នៃតុលាការ សម្រាប់ រយៈ ពេលមួយឆ្នាំ។ ថវិកាឧបត្ថម្ភធនអាចនឹងត្រូវដកបាន លុះត្រាតែមិនមានថវិកាគ្រប់គ្រាន់ពីការផ្តល់វិភាគទានស្ម័គ្រចិត្ត។
វិភាគទានចំនួន ៦ លានក្រូន័ររបស់ប្រទេសន័រវេ ត្រូវបានផ្ទេរទៅកាន់ភាគីជាតិនៃអ.វ.ត.ក
រដ្ឋាភិបាលនៃប្រទេសន័រវេ បានអនុម័តយល់ព្រមថាវិភាគទានហិរញ្ញវត្ថុរបស់ខ្លួនចំនួនទឹកប្រាក់ ៦ លានក្រូន័រ (ប្រមាណ ១ លានដុល្លារអាម៉េរិក)ដែលផ្តល់ជូននាពេលថ្មីៗ កន្លងទៅនេះ អាចបង្វែរពីភាគីអន្តរជាតិទៅភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) វិញ ដើម្បីចំណាយលើប្រាក់បៀវត្សរ៍របស់មន្ត្រីបុគ្គលិកភាគីជាតិ។
ខៀវ សំផន និងនួន ជា មានសម្បទាគ្រប់គ្រាន់ដើម្បីចូលរួមសវនាការ
នៅក្នុងសេចក្តីសម្រេចពីរផ្សេងគ្នាដែលបានចេញកាលពីថ្ងៃទី២៥ ខែមេសា ឆ្នាំ ២០១៤ អង្គជំនុំជម្រះសាលាដំបូងបានរកឃើញថា ជនជាប់ចោទទាំងពីរនាក់គឺ ខៀវ សំផន និងនួន ជា មានសម្បទាគ្រប់គ្រាន់ដើម្បីចូលរួម សវនាការ។ សេចក្តីសម្រេចនេះត្រូវបានធ្វើឡើងបន្ទាប់ពីជនជាប់ចោទទាំងពីត្រូវបានត្រួតពិនិត្យដោយអ្នកជំនាញវេជ្ជសាស្ត្រចំនួនបីរូបកាលពីអំឡុងចុងខែមីនាកន្លងទៅនេះ។ អ្នកជំនាញទាំងបីរូបនេះដែលត្រូវបានតែងតាំងដោយអង្គជំនុំជម្រះសាលាដំបូងរួមមានលោកវេជ្ជបណ្ឌិត ស៊ីណា ហ្វាហ្សែល (អង់គ្លេស) លោវេជ្ជបណ្ឌិត ច័ន្ទ គិនមីង និងលោកវេជ្ជបណ្ឌិត ហ៊ួត លីណា (កម្ពុជា)។
សេចក្តីថ្លែងការណ៍របស់សហព្រះរាជអាជ្ញាអន្តរជាតិស្តីពីសំណុំរឿង ០០៤
វិធាន ៥៤ នៃវិធានផ្ទៃក្នុងសម្រាប់ អ.វ.ត.ក តម្រូវថា ដីកាសន្និដ្ឋានបញ្ជូនរឿងឲ្យស៊ើបសួរ ឬ ដីកាសន្និដ្ឋានបញ្ជូនរឿងឲ្យស៊ើបសួរបន្ថែមដែលធ្វើឡើងដោយសហព្រះរាជអាជ្ញា ត្រូវតែសម្ងាត់ ប៉ុន្តែក៏ចែងផងដែរថា សហព្រះរាជអាជ្ញាអាច “ផ្តល់ជូនសាធារណជននូវសេចក្តីសង្ខេប អំពីគោលបំណងនៃព័ត៌មានដែលមានចែងនៅក្នុងដីកាសន្និដ្ឋានទាំងនោះបាន”។ ទន្ទឹមនេះ ដោយមានការយកចិត្តទុកដាក់ទៅលើផលប្រយោជន៍របស់ជនរងគ្រោះនិងសាក្សី សិទ្ធិរបស់ជនសង្ស័យដែលមានសិទ្ធិទទួលបានសច្ចធារណ៍នៃនិរទោស និងលក្ខខណ្ឌតម្រូវក្នុងវិធាននានាដែលកំណត់ថា កិច្ចស៊ើបសួរត្រូវតែធ្វើឡើងដោយសម្ងាត់ សហព្រះរាជអាជ្ញាអន្តរជាតិសូមផ្តល់នូវព័ត៌មានដូចខាងក្រោម។
សំណងដល់ជនរងគ្រោះនៃរបបខ្មែរក្រហមទទួលបានការគាំទ្រយ៉ាងទូលំទូលាយ
រហូតមកដល់ពេលនេះ មានការគាំទ្រយ៉ាងទូលំទូលាយចំពោះគម្រោងសំណង ដែលបានស្នើសុំដោយដើមបណ្តឹងរដ្ឋប្បវេណីក្នុងសំណុំរឿង ០០២/០១ នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ គម្រោងសំណងទាំងនេះនឹងផ្តល់ផលប្រយោជន៍ដល់ជនរងគ្រោះនៃរបបកម្ពុជាប្រជាធិបតេយ្យពី ឆ្នាំ ១៩៧៥ ដល់ ឆ្នាំ ១៩៧៩។ អង្គភាពគាំពារជនរងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី កំពុងតែខិតខំប្រឹងប្រែងដឹកនាំកិច្ចការនេះ ប្រកបដោយភាពច្នៃប្រឌិត ដើម្បីជួសជុលព្យសនកម្មរបស់ជនរងគ្រោះដែលនៅរស់រានមានជីវិតពីរបបខ្មែរក្រហម។ អង្គភាពទាំងពីរ សូមថ្លែងអំណរអរគុណដល់ម្ចាស់ជំនួយទាំងអស់ ព្រមទាំងអាជ្ញាធររដ្ឋាភិបាលនិងអង្គការសង្គមស៊ីវិលផ្សេងៗដែលបាន
អង្គជំនុំជម្រះសាលាដំបូងកំណត់វិសាលភាពនៃការជំនុំជម្រះសំណុំរឿង ០០២/០២
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចេញសេចក្តីសម្រេចបំបែកកិច្ចដំណើរការនីតិវិធីថ្មីមួយដោយកំណត់ទីតាំងឧក្រិដ្ឋកម្ម
ប្រទេសន័រវេសន្យាផ្តល់ជំនួយថវិកាថ្មីចំនួន ៦ លានក្រោនដល់ អ.វ.ត.ក
រដ្ឋាភិបាលនៃប្រទេសន័រវេបានប្រកាសសន្យាផ្តល់ជំនួយថវិកាថ្មីចំនួន ៦ លានក្រោន (ប្រហែល១លានដុល្លារអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជាមួយការសន្យាផ្តល់ថវិកាចុងក្រោយនេះ ប្រទេសន័រវេបានផ្តល់វិភាគទានហិរញ្ញវត្ថុមកកាន់ អ.វ.ត.ក មានចំនួន៧លានដុល្លារអាមេរិក និងបានគាំទ្រចំពោះសាលាក្តីចាប់តាំងពីការបង្កើតដំបូងមកម៉្លេះ។ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖’ក្នុងនាម អ.វ.ត.ក យើងខ្ញុំសូមថ្លែងអំណរគុណយ៉ាងស្មោះស្ម័គ្រចំពោះជំនួយសប្បុរស និងការបន្តគាំទ្ររបស់រដ្ឋាភិបាលន័រវេចំពោះ អ.វ.ត.ក”។
លោក JOHN R.W.D. JONES ត្រូវបានចាត់តាំងជាសហមេធាវីការពារក្តីអន្តរជាតិ ដើម្បីតំណាងជនសង្ស័យម្នាក់នៅក្នុងសំណុំរឿង ០០៤
អង្គភាពគាំពារការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោក John R.W.D. Jones ជនជាតិអង់គ្លេស ជាសហមេធាវីអន្តរជាតិ ដើម្បីតំណាងជនសង្ស័យម្នាក់ក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដែលសហព្រះរាជអាជ្ញាអន្តរជាតិបានដាក់ជូនការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកមួយនៃសំណុំរឿង ០០៤។ អត្តសញ្ញាណនៃជនសង្ស័យណាម្នាក់ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបីនេះ នៅតែរក្សាការសម្ងាត់ដដែល។
គម្រោងថវិកាសម្រាប់ឆ្នាំ ២០១៤-២០១៥ របស់ អ.វ.ត.ក ត្រូវបានអនុម័ត
គម្រោងថវិកាសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយក៏បានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។ ថវិកាសរុបសម្រាប់ឆ្នាំ២០១៤ មានចំនួន ៣១,៦ លាន ដុល្លារអាមេរិក និង សម្រាប់ឆ្នាំ២០១៥ ចំនូន ២៨,៩ លាន ដុល្លារអាមេរិក (តួលេខនេះគឺរួមបញ្ចូលកញ្ចប់ថវិកាសម្រាប់ករណីបន្ទាន់ផងដែរ) និងត្រូវបានបែងចែកដូចខាងក្រោម៖ឆ្នាំ២០១៤ ភាគីជាតិ ៦,៤ លាន ដុល្លារអាមេរិកភាគីអន្តរជាតិ ២៥,២ លាន ដុល្លារអាមេរិក
ប្រទេសកាតាផ្តល់វិភាគទានចំនួន ២០ ០០០ ដុល្លារអាមេរិកដល់ អ.វ.ត.ក
ប្រទេសកាតាបានប្រកាសផ្តល់វិភាគទានជាទឹកប្រាក់ចំនួន ២០ ០០០ ដុល្លារអាមេរិកដល់ភាគីជាតិនៃអង្គជំនុំ ជម្រះវិសាមញ្ញក្នុងតុលាការកម្ពុជា (អ.វ.ត.ក)។ នៅក្នុងលិខិតដែលបានប្រកាសពីវិភាគទានថ្មីនេះ ស្ថានបេសកកម្ម អចិន្ត្រៃយ៍នៃប្រទេសកាតាប្រចាំអង្គការសហប្រជាជាតិ បានលើកឡើងថា ការផ្តល់វិភាគទាននេះធ្វើឡើងជាការឆ្លើយ តបទៅនឹងសេចក្តីអំពាវនាវរបស់ឯកឧត្តម បាន គីមូន អគ្គលេខាធិការ អ.ស.ប ដល់រដ្ឋសមាជិកទាំងអស់សូមជួយផ្តល់នូវការគាំទ្រផ្នែកហិរញ្ញវត្ថុជាបន្ទាន់ ដល់ អ.វ.ត.ក។