អត្ថបទព័ត៌មាន
លោកស្រី Anta Guisse ត្រូវបានតែងតាំងជាសហមេធាវីអន្តរជាតិទីបី ការពារក្តីលោក ខៀវ សំផន
ដោយសារមានសំណើពីលោក ខៀវ សំផន អង្គភាពគាំពារការការពារក្តីបានតែងតាំងលោកស្រី Anta Guisse ជាសហមេធាវីអន្តរជាតិទីបី តំណាងលោក ខៀវ សំផន ក្នុងកិច្ចដំណើរការនីតិវិធីនៃរឿងក្តី ០០២ នៅអង្គជំនុំជម្រះវិសាមញ្ញក្នុងតុលាការកម្ពុជា។
អ្នកស្រី Guisse ជាមេធាវីការពារក្តីជនជាតិបារាំងដែលមានបទពិសោធន៍ក្នុងវិស័យច្បាប់ព្រហ្មទណ្ឌអន្តរជាតិរយៈពេលជាង១០ឆ្នាំ ដោយបានបំពេញការងារផ្នែកការពារក្តីក្នុងសំណុំរឿងចំនួនបីនៅតុលាការឧក្រិដ្ឋកម្មអន្តរជាតិរបស់អង្គការសហប្រជាជាតិសម្រាប់ប្រទេសរ្វ៉ាន់ដា និងជាមេធាវីតំណាងជនរងគ្រោះនៅតុលាការព្រហ្មទណ្ឌអន្តរជាតិផងដែរ។
លោក ISAAC ENDELEY ត្រូវបានតែងតាំងជាប្រធានអង្គភាពគាំពារការការពារក្តី
ការិយាល័យរដ្ឋបាលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានក្តីសោមនស្សរីករាយសូមជូនដំណឹងអំពីការតែងតាំងលោក Isaac Endeley ជាប្រធានថ្មីនៃអង្គភាពគាំពារការការពារក្តី។ លោក Isaac Endeley បានចូលកាន់តំណែងនេះកាលពីថ្ងៃទី១៧ ខែមេសា ឆ្នាំ២០១២។
សាលដីកាក្នុងសំណុំរឿង ០០១ ត្រូវបានផ្សព្វផ្សាយ
អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានផ្សព្វផ្សាយសាលដីកាពេញលេញក្នុងសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច ជាភាសាខ្មែរនិងអង់គ្លេស។ សាលដីកាសង្ខេបនិងសេចក្តីសម្រេចលើបណ្តឹងសាទុក្ខ ត្រូវបានប្រកាសដោយប្រធានអង្គជំនុំជម្រះតុលាការកំពូល នៅក្នុងសវនាការសាធារណៈកាលពីថ្ងៃទី៣ ខែកុម្ភៈ ឆ្នាំ២០១២។
សាលដីកាពេញលេញអាចទាញយកបានពីគេហទំព័រ អ.វ.ត.កៈ http://www.eccc.gov.kh/document/court/18564
បណ្ណសាររូបថតបង្កើតថ្មីនៅលើគេហទំព័រ អ.វ.ត.ក
អ.វ.ត.ក បានបង្កើតទំព័រថ្មីមួយទៀតដើម្បីឲ្យបណ្ណសាររូបថតរបស់យើងងាយស្រួលមើលឃើញនៅលើគេហទំព័រ អ.វ.ត.ក។ ឥឡូវនេះ លោកអ្នកអាចមើលរូបថតនៅក្នុងបណ្ណសាររូបថត ដែលបែងចែកតាមប្រភេទ តាមពាក្យសំខាន់ៗ និងតាមបុគ្គល។ មានរូបថតចំនួនជាង ៥០០ ដែលសាធារណជនអាចមើលឃើញ ចន្លោះពីឆ្នាំ ២០០៦-១០១២ ហើយរូបថតរាប់ពាន់សន្លឹកទៀតកំពុងតែត្រូវបានបញ្ចូលជាបន្តបន្ទាប់។
លោកអ្នកអាចចូលមើលរូបថតតាមរយៈទំព័រ "មណ្ឌលព័ត៌មាន" ឬចូលផ្ទាល់តាមអាស័យដ្ឋាន http://www.eccc.gov.kh/media-center/photos
ប្រសិនបើមានសំណួរទាក់ទងនឹងការប្រើប្រាស់រូបថត សូមទាក់ទង www.pas@eccc.gov.kh
ពាក្យសុំអភ័យទោសរបស់ ឌុច មាននៅលើគេហទំព័ររបស់ អ.វ.ត.ក
នៅក្នុងសាលដីកាលើបណ្តឹងសាទុក្ខក្នុងសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានរក្សាសេចក្តីសម្រេចនៅក្នុងសាលក្រមរបស់អង្គជំនុំជម្រះសាលាដំបូង ដែលសម្រេចឲ្យមានការផ្សព្វផ្សាយនៅលើគេហទំព័ររបស់ អ.វ.ត.ក នូវសេចក្តីទទួលស្គាល់កំហុស និងពាក្យសុំអភ័យទោសរបស់ ឌុច ក្នុងអំឡុងពេលសវនាការ រួមទាំងសវនាការលើបណ្តឹងសាទុក្ខផង។ អ.វ.ត.ក លើកទឹកចិត្តឲ្យមានការបោះពុម្ពផ្សាយឡើងវិញនូវឯកសារនេះក្នុងគោលបំណងមិនស្វែងរកប្រាក់កម្រៃ ក៏ប៉ុន្តែត្រូវបញ្ជាក់ពីប្រភពនៃឯកសារ។
ផ្នែកកិច្ចការសាធារណៈផ្សព្វផ្សាយខ្សែភាពយន្តឯកសារថ្មី
ខ្សែភាពយន្តឯកសារនេះត្រូវបានផលិតឡើងសម្រាប់បង្ហាញនៅក្នុងកិច្ចប្រជុំប្រទេសម្ចាស់ជំនួយនៅឯទីក្រុង ញូវយ៉ក នៅខែកុម្ភៈ ឆ្នាំ២០១២។ វាបង្ហាញអំពីស្ថានភាពបច្ចុប្បន្ននៃសំណុំរឿងក្តីនីមួយៗនៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។
សេចក្តីប្រកាសព័ត៌មានរបស់សហចៅក្រមស៊ើបអង្កេតបម្រុងអន្តរជាតិ
សហចៅក្រមស៊ើបអង្កេតបម្រុងអន្តរជាតិ លោកចៅក្រម Laurent Kasper-Ansermet សូមជំទាស់ទៅនឹងរាល់ការចោទប្រកាន់ដោយច្រឡូកច្រឡំនៅក្នុងសេចក្តីប្រកាសព័ត៌មានចុះថ្ងៃទី ២៦ ខែ មីនា ឆ្នាំ ២០១២ របស់សហចៅក្រមស៊ើបអង្កេតជាតិ លោកចៅក្រម យូ ប៊ុនឡេង។
ខាំ លន់ៈ ខ្ញុំមានមោទនភាពដែលបានជួយជាតិនិងពលរដ្ឋខ្មែររបស់ខ្ញុំ
ប្រជាជនជាច្រើននាក់នៅខេត្តសៀមរាប បានស្គាល់លោក ខាំ លន់ អាយុ៦៩ឆ្នាំ ជាអតីតមន្ត្រីរាជការមួយរូបដែលបានស្ម័គ្រចិត្តផ្សព្វផ្សាយព័ត៌មានអំពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅក្នុងចំណោមប្រជាជន និងដែលបានដឹកនាំប្រជាជនជាង ៦០០០នាក់ មកធ្វើទស្សនកិច្ចសិក្សានៅ អ.វ.ត.ក។លោក ខាំ លន់ បានសម្តែងអារម្មណ៍របស់លោកថា “ខ្ញុំមានមោទនភាពខ្លាំងណាស់ដែលបានបម្រើប្រជាពលរដ្ឋនិងប្រទេសរបស់ខ្ញុំ។ ខ្ញុំខិតខំចំណាយកម្លាំងកាយ កម្លាំងចិត្ត និងពេលវេលា ដោយមិនស្តាយនេះ គឺថាចំណុចទីមួយ គឺខ្ញុំមានមនោសញ្ចេតនាចង់ឲ្យប្រជាជនបានស្គាល់ពីកន្លែងកាត់ក្តី ហើយបានមកស្តាប់ការកាត់ក្តីផ្ទាល់”។
អូស្រ្តាលីប្រកាសសន្យាផ្តល់ជំនួយថវិកាបន្ថែមចំនួន ១,៦១ លានដុល្លារអូស្ត្រាលី
រដ្ឋាភិបាលអូស្ត្រាលីបានប្រកាសសន្យាផ្តល់ជំនួយថវិកាបន្ថែមចំនួន ១,៦១ លានដុល្លារអូស្ត្រាលី (ប្រមាណ ១,៧៣ លានដុល្លារអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ថវិកាចំនួន ១ លានដុល្លារអូស្ត្រាលី នឹងត្រូវផ្តល់ជូនទៅភាគីអន្តរជាតិ ហើយ ០,៦១ លានដុល្លារអូស្ត្រាលី នឹងត្រូវផ្តល់ជូនទៅភាគីជាតិនៃ អ.វ.ត.ក។ការសន្យាផ្តល់ជំនួយបន្ថែមនេះត្រូវបានប្រកាសដោយរដ្ឋមន្ត្រីក្រសួងការបរទេសអូស្ត្រាលី និងជាសមាជិកព្រឹទ្ធសភា ឯកឧត្តម បប់ ខារ នៅក្នុងដំណើរទស្សនកិច្ចរបស់ឯកឧត្តមនៅ អ.វ.ត.ក នៅថ្ងៃទី២៦ ខែមីនា ឆ្នាំ២០១២។
សេចក្តីបំភ្លឺរបស់ចៅក្រមជាតិនៃអង្គបុរេជំនុំជម្រះទៅនឹងកំណត់សម្គាល់របស់លោក Laurent Kasper-Ansermet លេខ D38 ថ្ងៃទី ២១ ខែមិនា ឆ្នាំ ២០១២
ឆ្លើយតបនឹងកំណត់សំគាល់ របស់លោកសហចៅក្រមស៊ើបអង្កេតអន្តរជាតិបម្រុង ទាក់ទងនឹងការបញ្ជូនត្រឡប់វិញនូវសំណុំឯកសារដែលការិយាល័យរដ្ឋបាលផ្ញើជូនអង្គបុរេជំនុំជម្រះ តាមរយៈលិខិតលេខ១០៩៤ អ.វ.ត.ក/Ad ចុះថ្ងៃទី១៦ ខែធ្នូ ឆ្នាំ២០១១ និងតាមរយៈលិខិតលេខ១០១៤ អវតក/រប ចុះថ្ងៃទី១៩ ខែមករា ឆ្នាំ២០១២ និងទាក់ទងនឹងសំណើសុំដាក់បណ្តឹងដិតចិត្តចំពោះចៅក្រម ប្រាក់ គឹមសាន ចុះថ្ងៃទី០៨ ខែកុម្ភៈ ឆ្នាំ២០១២ របស់លោកសហចៅក្រមស៊ើបអង្កេតអន្តរជាតិបម្រុង ចៅក្រមជាតិនៃអង្គបុរេជំនុំជម្រះសូមបង្ហាញហេតុផលពិត ដូចតទៅ៖
សេចក្តីប្រកាសព័ត៌មានរបស់សហចៅក្រមស៊ើបអង្កេតជាតិ
នាថ្ងៃទី១៩ ខែ មីនា ឆ្នាំ ២០១២ លោកសហចៅក្រមស៊ើបអង្កេតបម្រុងអន្តរជាតិបានធ្វើសេចក្តីប្រកាសព័ត៌មានមួយ និងដាក់ឯកសារមួយចំនួនជាសាធារណៈ ដែលតម្រូវឲ្យមានការបកស្រាយពីសំណាក់សហចៅក្រមស៊ើបអង្កេតជាតិនូវចំនុច ដែលទាក់ទងទៅនឹងការិយាល័យនេះ ដើម្បីជៀសវាងនូវការភ័ន្តច្រឡំនានាពីសាធារណជន។
សេចក្តីថ្លែងការណ៍របស់ចៅក្រម រ៉ូវ៉ាន់ ដោននីង និងចៅក្រម ឆាងហូ ឆុង ចៅក្រមអន្តរជាតិនៅអង្គបុរេជំនុំជម្រះ
ដោយបានឃើញថា វិធាន ២១ នៃវិធានផ្ទៃក្នុង អ.វ.ត.ក តម្រូវថា ត្រូវមានតម្លាភាពនៅក្នុងដំណើរការ និងថា បញ្ហានានាពីមុនៗដែលស្រដៀងគ្នានេះ ត្រូវបាន អ.ប.ជ ដោះស្រាយជាសាធារណៈនោះ ដោយអនុលោមទៅតាមសិទ្ធិ និងកាតព្វកិច្ចរបស់ខ្លួនដែលមានចែងក្នុងវិធាន ៣៤ នៃវិធានផ្ទៃក្នុង អ.វ.ត.ក ចៅក្រម Chung និង ចៅក្រម Downing សូមជូនដំណឹងថា នៅថ្ងៃទី ២ ខែ មីនា ឆ្នាំ ២០១២ ចៅក្រមទាំងពីររូបបានដកខ្លួនចេញពីការពិចារណាទៅលើបណ្តឹងដិតចិត្តរបស់សហចៅក្រមស៊ើបអង្កេតបម្រុងអន្តរជាតិ ចំពោះប្រធានអង្គបុរេជំនុំជម្រះ ចុះថ្ងៃទី ៨ ខែ កុម្ភៈ ឆ្នាំ ២០១២ ដោយប្រធានអង្គបុរេជំនុំជម្រះបានបញ្ជូន សំណុំរឿងនេះត្រឡប់ទៅសហចៅក្រមស៊ើបអង្កេតបម្រុងអន្តរជាតិវិញនៅថ្ងៃទី ១០ ខែ កុម្
សេចក្តីប្រកាសព័ត៌មានដោយសហចៅក្រមស៊ើបអង្កេតអន្តរជាតិបម្រុង
លោកចៅក្រម Laurent Kasper-Ansermet បានដាក់ជូននូវការសុំលាលែងរបស់ខ្លួនពីតួនាទីជាសហចៅក្រមស៊ើបអង្កេតអន្តរជាតិបម្រុង ចំពោះលោកអគ្គលេខាធិការនៃអង្គការសហប្រជាជាតិ ដោយមានអានុភាពចាប់ពីថ្ងៃទី០៤ ខែឧសភា ឆ្នាំ២០១២តទៅ។
មើលវីឌីអូបន្តផ្ទាល់នូវការធ្វើសាក្ខីកម្មរបស់ កាំង ហ្កេកអ៊ាវ ក្នុងសំណុំរឿង ០០២
The Trial Chamber will start questioning the witness Kaing Guek Eav alias Duch in Case 002 on Monday 19 March 2012 at 13:30. A live video feed will be available on this page.
កាលវិភាគបឋមសម្រាប់សវនាការសាធារណៈថ្ងៃទី ១៩-២១ ខែមីនា ឆ្នាំ២០១២
អង្គជំនុំជម្រះសាលាដំបូងមានគម្រោងសួរដេញដោលជនជាប់ចោទ នួន ជា និងសាក្សី កាំង ហ្កេកអ៊ាវ ហៅ ឌុច នៅក្នុងសវនាការសាធារណៈពីថ្ងៃទី ១៩-២២ ខែមីនា ឆ្នាំ២០១២ តាមកាលវិភាគដូចខាងក្រោម៖ ថ្ងៃច័ន្ទ ១៩ មីនា ២០១២៖ ការសួរដេញដោលជនជាប់ចោទ នួន ជា នៅពេលព្រឹក និងសួរដេញដោលសាក្សី កាំង ហ្គេកអ៊ាវ ហៅ ឌុច នៅពេលរសៀលថ្ងៃអង្គារ ២០ មីនា ២០១២៖ ការស្តាប់សក្ខីកម្មរបស់សាក្សី កាំង ហ្កេកអ៊ាវ ហៅ ឌុច (ពេញមួយថ្ងៃ) ថ្ងៃពុធ ២១ មីនា ២០១២៖ ការស្តាប់សក្ខីកម្មរបស់សាក្សី កាំង ហ្កេកអ៊ាវ ហៅ ឌុច (ពេញមួយថ្ងៃ)នេះគ្រាន់តែជាកាលវិភាគបឋមតែប៉ុណ្ណោះ។ អង្គជំនុំជម្រះសាលាដំបូងអាចផ្លាស់ប្តូរកាលវិភាគទៅតាមស្ថានភាពជាក់ស្តែង។
អង្គភាពគាំពារជនរងគ្រោះនឹងរៀបចំវេទិកាថ្នាក់តំបន់លើកទី១ ឆ្នាំ២០១២ នៅក្រុងច្បាមន ខេត្តកំពង់ស្ពី សម្រាប់ដើមបណ្តឹងរដ្ឋប្បវេណីនៃសំណុំរឿង ០០២
អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាថ្នាក់តំបន់លើកទី១ ក្នុងឆ្នាំ ២០១២ នេះនៅខេត្តកំពង់ស្ពឺ សម្រាប់ដើមបណ្តឹងរដ្ឋប្បវេណីចំនួន ១៥០ នាក់ នៃសំណុំរឿង ០០២។ វេទិកាថ្នាក់តំបន់នេះនឹងធ្វើនៅបន្ទប់ប្រជុំ ទាសេងហេង ក្រុងច្បារមន ខេត្តកំពង់ស្ពឺ នាថ្ងៃសុក្រ ទី ១៦ ខែមីនា ឆ្នាំ២០១២ វេលាម៉ោង១:០០រសៀល ដល់ ម៉ោង៤:៣០ រសៀល។ (អត្តសញ្ញាណរបស់ដើមបណ្តឹងរដ្ឋប្បវេណីនឹងត្រូវបានរក្សាជាសម្ងាត់) ។ វេទិកាថ្នាក់តំបន់នេះមានគោលបំណង (១)ផ្តល់ព័ត៌មានថ្មីៗអំពីការវិវឌ្ឍរបស់ អ.វ.ត.ក ទាក់ទងនឹងសំណុំរឿង ០០២ ដល់ដើមបណ្តឹងរដ្ឋប្បវេណី (២) ដើម្បីឲ្យដើមបណ្តឹងរដ្ឋប្បវេណីទទួលបានការពន្យល់ពីមេធាវីរ
គម្រោងថវិកាឆ្នាំ ២០១២ - ២០១៣ របស់ អ.វ.ត.ក ត្រូវបានផ្សព្វផ្សាយ
គម្រោងថវិកាសម្រាប់ឆ្នាំ ២០១២ និង ២០១៣ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ដែលត្រូវបានអនុម័តរួចហើយនោះ ត្រូវបានផ្សព្វផ្សាយហើយ ឥឡូវនេះមាននៅលើគេហទំព័រ អ.វ.ត.ក ។
សំណើសុំការអនុវត្តទោស
សហព្រះរាជអាជ្ញានៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) លោកស្រី ជា លាង និងលោក អេនឌ្រូ ខេលី បានលើកសំណើអនុវត្តសាលដីកាក្នុងសំណុំរឿង ០០១ ដោយស្នើឲ្យ អ.វ.ត.ក បន្តរក្សា កាំង ហ្កេកអ៊ាវ ហៅ ឌុច នៅក្នុងមន្ទីរឃុំឃាំងបណ្តោះអាសន្នរបស់ អ.វ.ត.ក រហូតដល់៖ ១)លែងមានតម្រូវការចាំបាច់ឲ្យគាត់ធ្វើជាសាក្សីនៅក្នុងដំណើរការនីតិវិធីបន្តរបស់ អ.វ.ត.ក និង ២)សហព្រះរាជអាជ្ញានិងអគ្គនាយកនៃអគ្គនាយកដ្ឋានមន្ទីរឃុំឃាំងនៃក្រសួងមហាផ្ទៃព្រមព្រៀងលើទីតាំងមន្ទីរឃុំឃាំងដែលសមស្របសម្រាប់ឃុំឃាំង ឌុច សម្រាប់រយៈពេលដែលនៅសេសសល់។
អ.វ.ត.ក សហការជាមួយប្រព័ន្ធសារព័ត៌មាន ផ្សព្វផ្សាយឯកសារចងក្រងពាក្យសុំអភ័យទោសរបស់ កាំង ហ្គេកអ៊ាវ ហៅ ឌុច
ដើម្បីឲ្យឯកសារចងក្រងអំពីពាក្យសុំអភ័យទោសរបស់ កាំង ហ្គេកអ៊ាវ ហៅ ឌុច ត្រូវបានផ្សព្វផ្សាយដល់សាធារណជនកម្ពុជា ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានចាប់ផ្តើមកិច្ចសហប្រតិបត្តិការជាមួយកាសែតមួយចំនួន សារព័ត៌មានតាមអ៊ិនថឺនែត វិទ្យុ និងទូរទស្សន៍ ដើម្បីផ្សព្វផ្សាយដោយឥតគិតថ្លៃ នូវឯកសារចងក្រងស្តីអំពីពាក្យសុំអភ័យទោស ដោយពេញលេញឬដោយសង្ខេប។
អង្គជំនុំជម្រះសាលាដំបូងនឹងផ្អាកធ្វើសវនាការក្នុងសំណុំរឿង ០០២ មួយរយៈពេលខ្លី
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងផ្អាកធ្វើសវនាការលើសំណុំរឿង ០០២ មួយរយៈពេលខ្លី ចាប់ពីថ្ងៃទី១៧ ខែកុម្ភៈ ឆ្នាំ២០១២ ដើម្បីរៀបចំកិច្ចការនានាសម្រាប់សវនាការនាពេលខាងមុខ បន្ទាប់ពីបញ្ចប់សវនាការវគ្គទីមួយក្នុងឆ្នាំ២០១២។ សវនាការលើសំណុំរឿង ០០២ ប្រឆាំងនឹងជនជាប់ចោទ ខៀវ សំផន នួន ជា និង អៀង សារី នឹងបន្តធ្វើនៅថ្ងៃទី១២ ខែមីនា ឆ្នាំ២០១២។
នរណាខ្លះនៅក្នុងបន្ទប់សវនាការ
ដើម្បីជាជំនួយដល់អ្នកសារព័ត៌មាននិងសាធារណជនទូទៅដែលតាមដានការផ្សាយវីដេអូបន្តផ្ទាល់អំពីសវនាការរបស់ អ.វ.ត.ក យើងបានបង្កើតទំព័រមួយដែលមានឈ្មោះថា នរណាខ្លះនៅក្នុងបន្ទប់សវនាការ ដែលរកអ្នកអាចឃើញនៅ http://www.eccc.gov.kh/kh/who-is-who។ នៅលើទំព័រនេះ សាធារណជននឹងឃើញរូបថតនិងប្រវត្តិរូបសង្ខេបរបស់ចៅក្រមនិងភាគីទាំងឡាយដែលមានវត្តមាននៅក្នុងបន្ទប់សវនាការ។
សេចក្តីប្រកាសព័ត៌មានរបស់សហចៅក្រមស៊ើបអង្កេតជាតិ
នាថ្ងៃម្សិលមិញនេះ សហចៅក្រមស៊ើបអង្កេតបម្រុងអន្តរជាតិ Laurent Kasper Ansermet បានធ្វើនូវសេចក្តីប្រកាសព័ត៌មានមួយយ៉ាងប្រញាប់ប្រញាល់បំផុត នៅចុងម៉ោងធ្វើការរបស់ អ.វ.ត.ក ដែលសហចៅក្រមស៊ើបអង្កេតជាតិយល់ឃើញថា ៖១. ការលួចចេញនូវសេចក្តីប្រកាសព័ត៌មាននៅពីក្រោយខ្នងសហចៅក្រមស៊ើបអង្កេតជាតិម្តងហើយម្តងទៀតគឺជាការបង្ហាញនូវចេតនាមិនល្អរបស់លោក Laurent Kasper-Ansermet ។
សេចក្តីប្រកាសព័ត៌មានរបស់សហចៅក្រមស៊ើបអង្កេតអន្តរជាតិបម្រុង
សេចក្តីប្រកាសព័ត៌មានជាសាធារណៈនេះត្រូវបានធ្វើឡើងដោយអនុលោមតាមវិធានផ្ទៃក្នុង ២១(១)(គ) របស់ អ.វ.ត.ក ដើម្បីធានាថាសាធារណជន ជាពិសេស ជនរងគ្រោះនៃឧក្រិដ្ឋកម្មដែលកំពុងស្ថិតនៅក្រោមការស៊ើបអង្កេតត្រូវបានទទួលព័ត៌មានក្នុងថិរវេលាសមស្រប អំពីដំណើរការនីតិវិធីដែលកំពុងបន្តរបស់ អ.វ.ត.ក។
អាល្លឺម៉ង់ផ្តល់ជំនួយ ១,២ លានអឺរ៉ូដល់អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)
សាធារណរដ្ឋសហព័ន្ធអាល្លឺម៉ង់ តាមរយៈក្រសួងការបរទេសបានចុះហត្ថលេខានៅថ្ងៃនេះ លើលិខិតយល់ព្រមផ្តល់ជំនួយនូវថវិកាចំនួន ១,២ លានអឺរ៉ូ ដល់អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ នេះគឺជាជំនួយលើកទីបួនហើយ ចាប់តាំងការបដិសន្ធិនៃ អង្គភាពគាំពារជនរងគ្រោះនៅឆ្នាំ២០០៨។
អង្គជំនុំជម្រះតុលាការកំពូលសម្រេចផ្តន្ទាទោស កាំង ហ្កេកអ៊ាវ ហៅ ឌុច ដាក់ពន្ធនាគារអស់មួយជីវិត
ថ្ងៃនេះ អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានសម្រេចផ្តន្ទាទោស កាំង ហ្កេកអ៊ាវ ហៅ ឌុច ដាក់ពន្ធនាគារអស់មួយជីវិត ជាទោសអតិបរមា ដែលមានចែងក្នុងច្បាប់ពីបទឧក្រិដ្ឋកម្មប្រឆាំងមនុស្សជាតិ និងការបំពារបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩។