អត្ថបទព័ត៌មាន

អង្គជំនុះជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមជូនដំណឹងដល់គ្រប់  ភាគី​ទាំង​អស់​ឲ្យ​បាន​ជ្រាប​ថា អង្គជំនុះជម្រះតុលាការកំពូលនឹងបើកសវនាការផ្ទាលមាត់នៅក្នុងសប្តាហ៍ ចុងក្រោយនៃខែមីនា ឆ្នាំ២០១១ ទាក់ទងនឹងបណ្តឹង សាទុក្ខ ក្នុងសំណុំរឿង ០០១។ កាលបរិច្ឆេទ និងពេលវេលាជាក់លាក់ នៃ សវនាការ​នឹង​ប្រកាស​ជូន​ដំណឹងពេលក្រោយ។

អ្នក​នយោបាយ​វ័យ​ក្មេង​ចំនួន​៤០​នាក់ មក​ពី​ការិយាល័យ​គណបក្ស​ចំនួន​ពីរ​ក្នុង​ខេត្ត​បាត់ដំបង​និង​ខេត្ត​សៀមរាប​ បាន​មក​ធ្វើ​ទស្សនកិច្ច​នៅ​អង្គ​ជំនុំ​ជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក.) នៅ​ថ្ងៃ ទី​២៥ ខែ​វិច្ឆិកា ឆ្នាំ២០១០។

នៅ​ក្នុង​សេចក្តី​សម្រេច​ទាំង​បី ដែល​បាន​អនុលោម​​ នាថ្ងៃទី ៣០ ខែ មេសា ឆ្នាំ២០១០  អង្គបុរេជំនុំជម្រះ នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)  បានបដិសេធច្រានចោលបណ្តឹងឧទ្ធរណ៍ប្រឆាំងទៅនឹងការបន្តថេរវេលាឃុំខ្លួនបណ្តោះអាសន្ន ដែលបានប្តឹងដោយជនត្រូវចោទ  អៀង សារី  ខៀវ សំផន  និង អៀង ធីរិទ្ធ។ អៀង សារី :​  អៀង សារី  ដែលមានតួនាទីជារដ្ឋមន្រ្តីក្រសួងការបរទេសក្នុងរបបកម្ពុជាប្រជាធិបតេយ្យ  ត្រូវបានចោទប្រកាន់ពីបទប្រល័យពូជសសន៍    ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្គ្រាម   មនុស្សឃាដ  ការធ្វើទារុណកម្មនិងការធ្វើទុក្ខបុកម្នេញទៅលើសាសនា ក្រោមក្រមព្រហ្មទណ្ឌកម្ពុជាឆ្នាំ ១៩៥៦ (សំណុំរឿងនេះកំពុងស្ថិតនៅក្រោមការស៊ើបអង្កេត)។​  គាត់ត្រូវបានចាប់ខ្លួនកាលពីថ្ងៃទី ១២ ខែវិច្ឆិកា ឆ្នាំ ២០០៧ និងបានដាក់ឃុំខ្លួនបណ្តោះអាសន្ន ដំបូងគឺមានរយៈពេល១ ឆ្នាំ។  រយៈពេលនៃការឃុំខ្លួនបណ្តោះអាសន្ននេះ ត្រូវបានបន្លាយពេល២ដងរួចមកហើយ ដោយចេញដីកាពីសហចៅក្រមស៊ើបអង្កេត ដែលបានប្រកាសម្តងកាលពីថ្ងៃ ទី១០ ខែ វិច្ឆិកា ឆ្នាំ​ ២០០៨ និងម្តងទៀតកាលពីថ្ងៃ ទី១០ ខែ វិច្ឆិកា ឆ្នាំ​ ២០០៩។  នៅក្នុងសាលដីកាសម្រេច បដិសេធច្រានចោលបណ្តឹងឧទ្ធរណ៍ប្រឆាំងទៅនឹង ការបន្តថេរវេលាឃុំខ្លួនបណ្តោះអាសន្នអង្គបុរេជំនុំជម្រះ បានយល់ឃើញថា ការបន្តថេរវេលាឃុំខ្លួនបណ្តោះអាសន្ននៅតែជាវិធានការដ៏ចាំបាច់ដើម្បីទប់ស្កាត់ជនត្រូវចោទកុំឲ្យគេចខ្លួន។ លើសពីនេះទៅទៀត  អង្គបុរេជំនុំជម្រះគិតថា ការបន្តថេរវេលាឃុំខ្លួនបណ្តោះអាសន្ននេះ​  គឺចាំបាច់ដើម្បីការពារសន្តិសុខជូនជនត្រូវចោទ  ព្រមទាំងដើម្បីរក្សាសន្តិសុខសាធារណៈ។ ការបដិសេធច្រានចោលបណ្តឹងឧទ្ធរណ៍នេះ មានន័យថា ជនត្រូវចោទ អៀង សារី  ប្រហែលនឹងអាចបន្តថេរវេលាឃុំខ្លួនបណ្តោះអាសន្ន រហូតដល់ថ្ងៃទី ១២ ខែ វិច្ឆិកា ឆ្នាំ ២០១០  លើកលែងតែ សហចៅក្រមស៊ើបអង្កេតចេញដីកាដំណោះស្រាយមួយ មុនកាលបរិច្ឆេទខាងលើនេះ។  សេចក្តីសង្ខេបនៃសាលដីកាសម្រេចនេះ ត្រូវបានអានដោយប្រធានអង្គបុរេជំនុំជម្រះ ឯកឧត្តម ប្រាក់   គឹមសានក្នុងកំឡុងពេលសវនាការសាធារណៈនាថ្ងៃនេះ។  សាលដីកាជាលាយលក្ខណ៍អក្សរ នឹងដាក់បង្ហាញតាមរយៈ http:///www.eccc.gov.kh/english/court_doc.list.aspx?courtDcoCat=ptc_docs    ខៀវ សំផន:  ខៀវ សំផន  ដែលមានតូនាទីជាប្រមុខរដ្ឋក្នុងរបបកម្ពុជាប្រជាធិបតេយ្យ ត្រូវបានចោទប្រកាន់ពីបទប្រល័យពូជសសន៍    ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្គ្រាម   មនុស្សឃាដ  ការធ្វើទារុណកម្មនិងការធ្វើទុក្ខបុកម្នេញទៅលើសាសនា ក្រោមក្រមព្រហ្មទណ្ឌកម្ពុជាឆ្នាំ ១៩៥៦ (សំណុំរឿងនេះកំពុងស្ថិតនៅក្រោមការស៊ើបអង្កេត)។  គាត់ត្រូវបានចាប់ខ្លួន និងបានដាក់ឃុំខ្លួនបណ្តោះអាសន្ន កាលពីថ្ងៃទី ១៩ ខែវិច្ឆិកា ឆ្នាំ ២០០៧ដំបូងគឺមានរយៈពេល១ ឆ្នាំ។  រយៈពេលនៃការឃុំខ្លួនបណ្តោះអាសន្ននេះ ត្រូវបានបន្លាយពេល២ដងរួចមកហើយដោយចេញដីកាពីសហចៅក្រមស៊ើបអង្កេត ដែលបានប្រកាសម្តងកាលពីថ្ងៃទី ១៨ ខែ វិច្ឆិកា ឆ្នាំ​ ២០០៨ និង ម្តងទៀតកាលពីថ្ងៃ ទី១៨ ខែ វិច្ឆិកា ឆ្នាំ​ ២០០៩។  ការបដិសេធច្រានចោលបណ្តឹងឧទ្ធរណ៍នេះ មានន័យថា ជនត្រូវចោទ ខៀវ សំផន  ប្រហែលនឹងអាចបន្តថេរវេលាឃុំខ្លួនបណ្តោះអាសន្ន រហូតដល់ថ្ងៃទី ១៩ ខែ វិច្ឆិកា ឆ្នាំ ២០១០  លើកលែងតែ សហចៅក្រមស៊ើបអង្កេតចេញដីកាដំណោះស្រាយមួយ  មុនកាលបរិច្ឆេទខាងលើនេះ។  នៅក្នុងសាលដីកាសម្រេចបដិសេធច្រានចោលបណ្តឹងឧទ្ធរណ៍នេះ អង្គបុរេជំនុំជម្រះ បានយល់ឃើញថា ការបន្តថេរវេលាឃុំខ្លួនបណ្តោះអាសន្ននេះ​  គឺចាំបាច់ដើម្បីការពារសុន្តិសុខជូនជនត្រូវចោទ  ព្រមទាំងដើម្បីរក្សាសុន្តិសុខសាធារណៈ។សេចក្តីសង្ខេបនៃសាលដីកាសម្រេចនេះ ត្រូវបានអានដោយប្រធានអង្គបុរេជំនុំជម្រះ  ឯកឧត្តម ប្រាក់ គឹមសានក្នុងកំឡុងពេលសវនាការសាធារណៈនាថ្ងៃនេះ។  សាលដីកាជាលាយលក្ខណ៍អក្សរ នឹងដាក់បង្ហាញតាមរយៈ  http:///www.eccc.gov.kh/english/court_doc.list.aspx?courtDcoCat=ptc_docs   អៀង ធីរិទ្ធ:  អៀង ធីរិទ្ធ  ដែលមានតូនាទីជារដ្ឋមន្រី្តក្រសួងសង្គមកិច្ច ក្នុងរបបកម្ពុជាប្រជាធិបតេយ្យ  ត្រូវបានចោទប្រកាន់ពីបទប្រល័យពូជសសន៍    ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្គ្រាម   មនុស្សឃាដ  ការធ្វើទារុណកម្ម និងការធ្វើទុក្ខបុកម្នេញទៅលើសាសនា ក្រោមក្រមព្រហ្មទណ្ឌកម្ពុជាឆ្នាំ ១៩៥៦ (សំណុំរឿងនេះកំពុងស្ថិតនៅក្រោមការស៊ើបអង្កេត)។  គាត់ត្រូវបានចាប់ខ្លួន កាលពីថ្ងៃទី ១២ ខែវិច្ឆិកា ឆ្នាំ ២០០៧ និងបានដាក់ឃុំខ្លួនបណ្តោះអាសន្ន ដំបូងគឺមានរយៈពេល១ ឆ្នាំ។  រយៈពេលនៃការឃុំខ្លួនបណ្តោះអាសន្ននេះ ត្រូវបានបន្លាយពេល២ដងរួចមកហើយ ដោយចេញដីកាពីសហចៅក្រមស៊ើបអង្កេត ដែលបានប្រកាសម្តង កាលពីថ្ងៃ ទី១០ ខែ វិច្ឆិកា ឆ្នាំ​ ២០០៨ និងម្តងទៀតកាលពីថ្ងៃ ទី១០ ខែ វិច្ឆិកា ឆ្នាំ​ ២០០៩។  ការបដិសេធច្រានចោលបណ្តឹងឧទ្ធរណ៍នេះ មានន័យថា ជនត្រូវចោទ អៀង ធីរិទ្ធ  ប្រហែលនឹងអាចបន្តថេរវេលាឃុំខ្លួនបណ្តោះអាសន្ន រហូតដល់ថ្ងៃទី ១២ ខែ វិច្ឆិកា ឆ្នាំ ២០១០  លើកលែងតែ សហចៅក្រមស៊ើបអង្កេត ចេញដីកាដំណោះស្រាយមួយ មុនកាលបរិច្ឆេទខាងលើនេះ។  នៅក្នុងសាលដីកាសម្រេច បដិសេធច្រានចោលបណ្តឹងឧទ្ធរណ៍ប្រឆាំងទៅនឹង ការបន្តថេរវេលាឃុំខ្លួនបណ្តោះអាសន្នអង្គបុរេជំនុំជម្រះ បានយល់ឃើញថា ការបន្តថេរវេលាឃុំខ្លួនបណ្តោះអាសន្ន នៅតែជាវិធានការដ៏ចាំបាច់ដើម្បីទប់ស្កាត់កុំឲ្យជនត្រូវចោទ គាបសង្កត់សាក្សី  ឬបំផ្លាញភស្តុតាងចោល។  លើសពីនេះទៅទៀត  អង្គបុរេជំនុំជម្រះគិតថា ការបន្តថេរវេលាឃុំខ្លួនបណ្តោះអាសន្ននេះ​ គឺចាំបាច់ដើម្បីទប់ស្កាត់ជនត្រូវចោទកុំឲ្យគេចខ្លួន  និងដើម្បីរក្សាសុន្តិសុខសាធារណៈ។  សេចក្តីសង្ខេបនៃសាលដីកាសម្រេចនេះ ត្រូវបានអានដោយប្រធានអង្គបុរេជំនុំជម្រះ  ឯកឧត្តម ប្រាក់ គឹមសានក្នុងកំឡុងពេលសវនាការសាធារណៈនាថ្ងៃនេះ។  សាលដីកាជាលាយលក្ខណ៍អក្សរ នឹងដាក់បង្ហាញតាមរយៈ  http:///www.eccc.gov.kh/english/court_doc.list.aspx?courtDcoCat=ptc_docs    អានុភាពនៃដីកាដំណោះស្រាយប្រសិនបើសហចៅក្រមស៊ើបអង្គេត ចេញដីកាដំណោះស្រាយមួយ មុនកាលបរិច្ឆេទសម្រាប់ការឃុំខ្លួនបណ្តោះអាសន្នខាងលើ  នោះការចេញដីកានេះ នឹងនាំមកនូវការបញ្ចប់នៃថេរវេលាឃុំខ្លួននាពេលបច្ចុប្បន្ននេះ។   ប្រសិនបើ ដីកាដំណោះស្រាយបូកបញ្ជូលដីកាបញ្ជូនរឿងទៅជំនុំជម្រះលើជនត្រូវចោទ និងសហចៅក្រមស៊ើបអង្កេត ពិចារណាឃើញថា ល័ក្ខខ័ណ្ឌសម្រាប់ដីកាបង្គាប់ឲ្យឃុំខ្លួនបណ្តោះអាសន្ន នៅក្នុងវិធានផ្ទៃក្នុងទី៦៣ របស់ អ.វ.ត.ក នៅតែមានប្រសិទ្ធិភាព      សហចៅក្រមស៊ើបអង្កេត អាចចេញដីកាឲ្យជនត្រូវចោទជាប់ឃុំបណ្តោះអាសន្ន​ រហូតដល់  ជនត្រូវចោទ ត្រូវបាននាំមកជំនុំជម្រះដោយអង្គជំនុំជម្រះសាលាដំបូង។  ក្នុងករណីនេះ   ប្រសិនបើជនត្រូវចោទ មិនត្រូវនាំមកជំនុំជម្រះដោយអង្គជំនុំជម្រះសាលាដំបូង ក្នុងរយៈ៤ខែនោះទេ ដោយគិតចាប់ពីពេលកំណត់ចេញដីកាដំណោះស្រាយ    ​​​ នោះការឃុំខ្លួនបណ្តោះអាសន្ននឹងអស់ប្រសិទ្ធិភាព។

អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)​ បានសម្រេចបោះពុម្ព​សាលក្រម ឌុច​​ជាភាសាខ្មែរ ទាំងស្រុង ចំនួន ៥០០០ច្បាប់ និងសាលក្រមសង្ខេបចំនួន ១៧.០០០ច្បាប់ នៅថ្ងៃទី៥ ខែសីហា ឆ្នាំ២០១០នេះ​ដើម្បី​ចែក​ជូន​សាធារណជន​ដោយ​ឥត​គិត​ថ្លៃ។ លោក រាជ សម្បត្តិ ប្រធាន​ផ្នែក​កិច្ចការ​សាធារណៈ​របស់ អ.វ.ត.ក បាន​និយាយ​ប្រាប់​អ្នក​សារព័ត៌មាន​ថា អ.វ.ត.ក នឹង​ចែក​សាល​ក្រម​ទាំង​នេះ​ទៅ​ទូទាំង ២៤ ខេត្ត​ក្រុង ១៨៨ ស្រុក និង១៦២១ ឃុំ ក្រសួង​និង​ស្ថាប័ន​នានា​សាកលវិទ្យាល័យ​ វិទ្យាល័យ បណ្ណាល័យ អង្គការ​ក្រៅ​រដ្ឋាភិបាល ដើម​បណ្តឹង​រដ្ឋប្បវេណី និង​សាធារណជន​ទូទៅ ​ ដើម្បី​ជា​ប្រយោជន៍​ក្នុង​ការ​សិក្សា​ស្វែង​យល់​បន្ថែម​​អំពី​សំណុំ​រឿង​ក្តី​លេខ ​០០១ ប្រឆាំងនឹង កាំង ហ្កេកអ៊ាវ ហៅ ឌុច។ សាលក្រម​ទាំង​មូល​មាន​ចំនួន​​៥០០០ច្បាប់នោះ ក្នុងមួយច្បាប់ៗមានកម្រាស់ ៤៥០ទំព័រ ហើយ សាលក្រមសង្ខេបមានចំនួន១៧០០០ច្បាប់ ក្នុងមួយច្បាប់ៗមានកម្រាស់៣៦ទំព័រ។ សាលក្រមសង្ខេបនះត្រូវបានអានដោយឯកឧត្តម និល ណុន ប្រធាន​អង្គ​ជំនុំ​ជម្រះ​សាលាដំបូង កាលពីថ្ងៃទី២៦ ខែកក្កដា កន្លងទៅនេះ បន្ទាប់ពីការជំនុំជម្រះក្តី ឌុច ដែលបានដំណើរការ ក្តីរយៈពេល៧៧ថ្ងៃ​ ចាប់ពីថ្ងៃទី៣០ ខែមីនា ដល់ថ្ងៃទី២៧ ខែវិច្ឆិកា ឆ្នាំ២០០៩។ លោក រាជ សម្បត្តិ បានមានប្រសាសន៍ថា “យើងធ្វើនេះគឺដើម្បីឆ្លើយតបទៅនឹងតម្រូវការដ៏ចាំបាច់នៃ សិស្សា​នុសិស្ស​និង​មន្រ្តី​រាជការ ដែល​បាន​ទូរស័ព្ទ​សំណូមពរ​ឲ្យ​សាលាក្តី​បោះពុម្ព​ឯកសារ​នេះ​ដើម្បី​ទុក​ ជា​ឯកសារ​សម្រាប់​ប្រើប្រាស់​និង​ជា​ប្រយោជន៍​នៃ​ការ​សិក្សា​ស្រាវ​ជ្រាវ​របស់ពួកគេនៅពេលអនាគត”។ លោកបានបន្ថែមថា  “យើងចង់ឲ្យគាត់យល់ច្បាស់អំពីសារប្រយោជន៍ពិតប្រាកដនៃការវិនិច្ឆ័យទោស ឌុច និង​កុំ​គិត​តែ​ទៅ​លើ​ចំនួន​ឆ្នាំ​ដែល ឌុច ត្រូវទទួលទោស ប៉ុន្តែឲ្យគាត់គិតអំពីផលប្រយោជន៍យូរ អង្វែងនៃសាលក្រមនេះ។” ប្រទេស​ជា​ច្រើន​រួម​មាន សហ​រដ្ឋ​អាមេរិក ជប៉ុន បារាំង អង់គ្លេស អូស្រ្តាលី និង​សហគមន៍​អឺរ៉ុប សុទ្ធ​​តែ​​បាន​សម្តែង​ការ​គាំទ្រ​សាលក្រម ឌុច ដែល​ប្រកាស​ដោយ​ឯកឧត្តម និល​​ ណុន ប្រធាន អង្គ​ជំនុំ​ជម្រះ​សាលា​ដំបូង​របស់ អ.វ.ត.ក កាល​ពី​ថ្ងៃ​ច័ន្ទ ទី២៦ ខែ​កក្កដា កន្លង​ទៅ។ “ការ​គាំទ្រ​នេះ​មាន​សារ​សំខាន់​ខ្លាំង​ណាស់ ពី​ព្រោះ​នេះ​ជា​ដំណាក់​កាល​ដែល​​ប្រទេស​កម្ពុជា​កំពុង​តែ​ធ្វើ​ សមា​ហរណ​កម្ម​យ៉ាង​លឿន​ទៅ​ក្នុងសហគមន៍អន្តរជាតិ។” លោក រាជ សម្បត្តិ បន្ថែម។ ​សៀវភៅ​នេះ​នឹង​ក្លាយ​ជា​ឯកសារ​ប្រវត្តិ​សាស្រ្ត​ដ៏​មាន​តម្លៃ​សម្រាប់អ្នកច្បាប់ និស្សិតនិងសាស្រ្តាចារ្យ ផ្នែកច្បាប់​ ដើម្បី​បង្កើន​ការ​យល់​ដឹង​អំពី​ដំណើរ​ការ​នីតិ​វិធី​នៅ​ក្នុង​ប្រព័ន្ធ​តុលាការ​ពិសេស​នេះ។ លោក​រាជ​​សម្បត្តិបានបញ្ជាក់ថា សៀវភៅនេះក៏ជាភ័ស្តុតាងនៃ​សមិទ្ធិ​ផល​របស់ អ.វ.ត.ក ​ដែល​កើត​មាន​ជា​លើក​ទី​១​នៅ​ក្នុងប្រវត្តិសាស្រ្តប្រទេសកម្ពុជានិងនៅលើសកលលោក។ វាគឺជា​សាល​ក្រម​​ប្រវត្តិ​សាស្រ្ត​សម្រាប់​ទុក​​ឲ្យ​មនុស្ស​ជំនាន់​ក្រោយ​រៀន​សូត្រ​អំពី​ប្រវត្តិ​សាស្រ្ត​នៃ​ប្រទេស​កម្ពុជា​។ ជា​ពិសេស​ជាង​នេះ​ទៅ​ទៀត​សៀវភៅ​សាល​ក្រម​នេះ​នឹង​ក្លាយ​ជា​ប្រយោជន៍​ដល់​យុវជនជំនាន់ក្រោយ​ដែលកើត​ក្រោយ​របបខ្មែរក្រហម សម្រាប់ទុកជាប្រភព​ឯក​សារ​ដ៏​មាន​តម្លៃ​បន្ថែម​​ពី​លើ​ឯកសារ នានា​ដែល​មានស្រាប់ពាក់ព័ន្ធទៅនឹងប្រវត្តិសាស្រ្តនៃរបបខ្មែរក្រហម។​ លោក អ៊ឹង វ៉ាន់ធន ជានាយករោងពុម្ពអរិយធម៌ ដែលកំពុងតែមមាញឹកសម្រុក​បោះពុម្ព​សាល​ក្រម​ ​ឌុច ឲ្យ​ហើយ​ទាន់​ពេល​វេលា បាន​ឲ្យ​ដឹង​ថា លោក​សប្បាយ​រីក​រាយ​ដែល​បាន​ទទួល​បោះពុម្ព​សាល​ក្រម របស់ ឌុច។​ “​ក្នុង​នាម​ជា​ជន​រង​គ្រោះ​នៃ​របប​ខ្មែរ​ក្រហម​ម្នាក់ ខ្ញុំ​មាន​ទឹក​ចិត្ត​រីក​រាយ​ដែល​បាន​ចូល​​​​រួម​​ក្នុង​ដំណីរ​ការ​នេះ​។ រោង​ពុម្ព​របស់​ខ្ញុំ​បាន​ទទួល​ធ្វើ​កិច្ចការ​នេះ​ក្នុង​តម្លៃ​​ទាប ពី​ព្រោះ​ខ្ញុំ​យល់​ថា ការ​ចែក​ចាយ​ឯកសារ​នេះ​ដល់​ប្រជាជន​កម្ពុជា​មាន​សារ​សំខាន់​ខ្លាំង​ណាស់​។” លោក វ៉ាន់​ធន បន្ថែម។ ចាប់​ផ្តើម​ពី​សប្តាហ៍​ក្រោយ អ.វ.ត.ក នឹង​ធ្វើការ​ចែក​ចាយ​សៀវភៅ​នេះ​នៅ​តាម គោល​ដៅ​មួយ​ចំនួន​ទូទាំង​ប្រទេស​កម្ពុជា​។ សាធារណជន​ដែល​ចង់​បាន​សៀវភៅនេះអាចទាក់ទងមកមន្រ្តីផ្នែកកិច្ចការសារធារណៈរបស់ អ.វ.ត.ក លោក ឌឹម សុវណ្ណារុំ តាមទូរស័ព្ទលេខ ០១២ ៤៨៨ ០៩៤ ឬលោក ជិន ហែមវិចិត្រ តាមទូរស័ព្ទលេខ ០១២ ៦៩៦ ២២០ ឬ​ផ្ញើរ​សារ​អេឡិច​ត្រូនិក​មក pas@eccc.gov.kh។​ជាង​​នេះ​ទៅ​ទៀត សាធារណជន​ក៏​អាច​ទាញ​យក​ឯកសារ​នេះ​ពី​គេហ​ទំព័រ​របស់ អ.វ.ត.ក http:///www.eccc.gov.kh នៅ​ក្នុង​ផ្នែក​កម្រង​ឯកសារ​តុលាការ ៕

នៅ​ទី​បំផុត សៀវភៅ​ស្តី​អំពី​សាលក្រម ឌុច ត្រូវ​បាន​ចែក​ដល់​ដៃ​ប្រជាជន​កម្ពុជា​ដែល​ជា​អ្នក​រស់​រាន​មាន ជីវិត​ពី​របប​ខ្មែរ​ក្រហម​។ អង្គ​ជំនុំ​ជម្រះ​វិ​សាមញ្ញ​ក្នុង​តុលាការ​កម្ពុជា (អ.វ.ត.ក) បាន​ចែក​សៀវភៅ សាលក្រម ឌុច ជា​លើក​ដំបូង កាល​ពី​ព្រឹក​ថ្ងៃ​ព្រហស្បតិ៍ ទី១២ ខែសីហា នេះ នៅ​ទី​តាំង​ចំនួន​បួន គឺ​នៅ សាលា​សង្កាត់​ព្រៃ​ស​និង​សង្កាត់​ជើង​ឯក មជ្ឈមណ្ឌល​ប្រល័យ​ពូជ​សាសន៍​ជើង​ឯក និង​សារ​មន្ទីរ ឧក្រិដ្ឋកម្ម​ប្រល័យ​ពូជ​សាសន៍​ទួល​ស្លែង និង​ប្រជាជន​ជាង​៥០​នាក់ ដោយ​ឡែក​៣​នាក់​គឺ​ជា​អ្នក​ដែល រស់​រាន​មាន​ជីវិត​ពី​មន្ទីរ ស-២១។

ថ្ងៃនេះ សហព្រះរាជអាជ្ញា បានដាក់ដីកាសន្និដ្ឋានស្ថាពររបស់ខ្លួន នៅក្នុងសំណុំរឿងលេខ០០២ ទៅ សហចៅក្រមស៊ើបអង្កេត អនុលោម​តាម​វិធាន ៦៦.៥ នៃវិធានផ្ទៃក្នុងសម្រាប់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅ​ពេល​សហ​ព្រះ​រាជ​អាជ្ញា​ពិចារណា​ឃើញ​ថា​ កិច្ច​ស៊ើប​សួរ​ត្រូវ​បានបញ្ចប់ សហព្រះរាជអាជ្ញា តម្រូវ​ឲ្យ​ធ្វើ​ដីកា​សន្និដ្ឋាន​ស្ថាពរ​មួយ​ជា​លាយ​ល័ក្ខ​អក្សរ និងមានសំអាងហេតុក្នុងថិរវេលា៤៥ (សែសិបប្រាំ) ថ្ងៃ គិត​ចាប់​ពី​ថ្ងៃ​ទទួល​បាន​សំណុំ​រឿង​ពី​សហ​ចៅ​ក្រម​ស៊ើប​អង្កេត​។

នៅ​ថ្ងៃ​នេះ អង្គ​ជំនុំ​ជម្រះ​វិសា​មញ្ញ​ក្នុង​តុលា​ការ​កម្ពុជា​(អ.វ.ត.ក) បាន​ចុះ​ហត្ថ​លេខា​លើ​កិច្ច​ព្រម​ព្រៀង​ជា​មួយ​វិទ្យា​ស្ថាន ហ៊ូវឺ (Hoover Institution) នៃ​សាកល​វិទ្យាល័យ​ស្តែន​ហ្វត (Stanford University) និង​មជ្ឈ​មណ្ឌល​សិក្សា​អំពី​ឧក្រិដ្ឋ​កម្ម​សង្រ្គាម​នៃ​សាកល​វិទ្យាល័យ​កាលីហ្វ័រនី ប៊័រឃ្លី (University of California, Berkeley) ដើម្បី​បង្កើត គម្រោង​មរតក​សាលាក្តី​ឌីជីថល នៃ​អវតក (ECCC Virtual Tribunal Legacy Project)។ សា​ធា​រណៈ​ជន​ទូ​ទៅ​នឹង​អាច​ប្រើ​ប្រាស់​សាលាក្តី​ឌីជីថល​អ.វ.ត.ក​នេះ​បាន ទាំង​ក្នុង​អំឡុង​ពេល​ដំណើរ​ការ​របស់ តុលាការ​និង​ពេល​បញ្ចប់​តុលាការ​។ សាលាក្តី​ឌីជីថល​នៃ​អ.វ.ត.ក នឹង​បង្កើត​ឡើង​នៅ​តាម​សាលា​រៀន​នា​នា បណ្តា​សាកល​វិទ្យាល័យ  មហា​វិទ្យាល័យ​ច្បាប់  និង​នៅ​តាម​កន្លែង​ដ​ទៃ​ទៀត ក្នុង​គោល​បំណង​ដើម្បី​ផ្តល់​ភាព​ងាយ​ស្រួល​ដល់​ប្រជា​ជន​នៅ ក្នុង​ប្រទេស​កម្ពុជា​អាច​ចូល​សិក្សា​ស្រាវ​ជ្រាវ​បាន​។

ព្រះ​សង្ឃ ដូន​ជី​តា​ជី មន្ត្រី​ស៊ីវិល កង​កម្លាំង​ប្រដាប់​អាវុធ និង​ប្រជាជន​ក្នុង​ខេត្ត​ប៉ៃលិន សរុប​ប្រមាណ ជាង​៣០០នាក់ បាន​មក​ជួប​ជុំ​គ្នា​ក្នុង​កម្ម​វិធី​វេទិកា​សាធារណៈ​មួយ​ដែលរៀបចំដោយអង្គជំនុំជម្រះ វិសាមញ្ញក្នុងតុលាការកម្ពុជា (អ.វ.ត.ក.) នៅខេត្តប៉ៃលិន នៅព្រឹកថ្ងៃទី២២ ខែកញ្ញានេះ។

edIm,IbMeBjtamPaBcaM)ac;kñúgkarpþl;B½tmanCUnsaFarN³Cn edIm,IbegáIntmøaPaBéndMeNIrkarnItiviFI nigeCosvagkarGHGagKµanmUldæan ÉksarsMNuMerOgmYycMnYnkñúgsMNuMerOg 002 RtÚv)ankMNt;CaÉksarsaFarN³ edayeyageTAtamviFanépÞkñúgrbs; G>v>t>k elx 56¬2¦. saFarNCnGacebIkemIlÉksarTaMgenHedayRKan;EtcucelI³ http://www.eccc.gov.kh/khmer/cabinet/courtDoc/365/D136_3_KH.pdf

យោងតាមដីកាសន្និដ្ឋានបញ្ជូនរឿងឱ្យស៊ើបសួរធ្វើឡើងដោយសហព្រះរាជអាជ្ញា របស់**អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ចុះថ្ងៃទី១៨ ខែកក្កដា ឆ្នាំ២០០៧ សហចៅក្រមស៊ើបអង្កេតត្រូវបានប្ដឹងឱ្យបើកការស៊ើបសួរពាក់ព័ន្ធការចោទប្រកាន់ពីបទឧក្រិដ្ឋប្រឆាំងនឹងខៀវ សំផន នួន ជា អៀង សារី អៀង ធីរិទ្ធ និងកាំង ហ្គេចអ៊ាវ (ឌុច) នៅចន្លោះថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី០៦ ខែមករា ឆ្នាំ១៩៧៩ (សំណុំរឿង ០០២)។ ដូចដែលបានបញ្ជាក់ប្រាប់នាដើមឆ្នាំ សហចៅក្រមស៊ើបអង្កេតសូមធ្វើការថ្លែងបញ្ជាក់ម្ដងទៀតអំពីគំរោង បញ្ចប់ការស៊ើបសួរសំរាប់សំណុំរឿង ០០២ នេះ នៅចុងឆ្នាំ២០០៩។

ព្រះមហាក្សត្រនរោត្តមសីហមុនី  បានឡាយព្រះហស្ថលេខាតែងតាំង លោក អាន់ឌ្រូ ធី ខេលៃ (Andrew T. Cayley) មកពីចក្រភពអង់គ្លេសជាសហព្រះ​រាជ​អាជ្ញា អន្តរជាតិថ្មី សម្រាប់អង្គជំនុំជម្រះវិសាមញ្ញក្នុងតុលាការកម្ពុជានិងលោក នីកូឡាស គុមចាញ (Nicholas Koumjian) មកពីសហរដ្ឋ អាមេរិក ជាសហព្រះ​រាជ​អាជ្ញាអន្តរជាតិបំរុង។

(សូមអាន សេចក្ដីប្រកាសព័ត៌មាន)

អង្គភាព​ជន​រងគ្រោះ​កំពុង​ធ្វើការ​ពន្យា​ពេល​ម៉ោង​ធ្វើការ​របស់​ខ្លួន ​ក្នុង​គោល​បំណង​ជួយ​សម្រួល​ដល់​បុគ្គល ​គ្រប់​រូប ដែល​ប្រាថ្នា​ចង់​ដាក់​ពាក្យ​សុំ​ធ្វើ​ជា​ដើម​បណ្តឹង​រដ្ឋប្បវេណី​ក្នុង​សំណុំ​រឿង​០០២ ​ដែល​ធ្វើការ​ចោទ​ប្រកាន់ ​ប្រឆាំង​នឹង អៀង ​សារី  ​អៀង ​ធីរិទ្ធ​  ​នួន ​ជា  ​ខៀវ ​សំផន ​និង ​កាំង ​ហ្កេកអ៊ាវ​។