អត្ថបទព័ត៌មាន

រដ្ឋាភិបាលជប៉ុនបានប្រកាសផ្តល់វិភាគទានថ្មីចំនួន ១ ២២១ ៨១៨ ដុល្លារអាមេរិក ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ប្រើប្រាស់នៅឆ្នាំ ២០១៧។ វិភាគទានថ្មីនេះ បានធ្វើឱ

រដ្ឋាភិបាលជប៉ុនបានប្រកាសផ្តល់វិភាគទានថ្មីចំនួន ១ ១២០ ០០០ ដុល្លារអាមេរិក ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ វិភាគទានថ្មីនេះ បានធ្វើឱ្យជំនួយហិរញ្ញវត្ថុដែលផ្តល់ដោយរដ្ឋាភិបាលជប៉ុនមកកាន់ អ.វ.ត.ក (ទាំងភាគីជាតិ និងអន្តរជាតិ) កើនចំនួនដល់ប្រមាណ ៨៥ លានដុល្លារអាមេរិកហើយរហូតមកទល់ពេលនេះ ឬស្មើនឹង ៣២% នៃការផ្តល់វិភាគទានសរុបរបស់ក្រុមប្រទេសម្ចាស់ជំនួយ និងធ្វើឱ្យជប៉ុនក្លាយជាប្រទេសផ្តល់ជំនួយធំជាងគេបំផុតរបស់ អ.វ.ត.ក។

អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមជូនដំណឹងដល់ប្រព័ន្ធផ្សព្វផ្សាយព័ត៌មាន និងសាធារណជនឱ្យបានជ្រាបថា សាលសវនាការសាធារណៈនៃ អ.វ.ត.ក នឹងបើកទ្វារឡើងវិញចាប់ពីថ្ងៃច័ន្ទ ទី៣១ ខែ តុលា ឆ្នាំ ២០១៦។ ការចូលទៅកាន់សាលសវនាការនឹងធ្វើឡើងតាមច្រកចូលធម្មតាសម្រាប់សាធារណជន។          ដោយបានបិទទ្វារច្រកចូលសម្រាប់សាធារណជនចំនួនបីសប្តាហ៍ដោយសារតែទឹកជំនន់បន្ទាប់ពីមានភ្លៀងធ្លាក់ខ្លាំងនៅដើមខែតុលាមក នៅពេលនេះ អង្គជំនុំជម្រះវិសាមញ្ញក្នុងតុលាការកម្ពុជា អាចបន្តទទួលស្វាគមន៍សាធារណជនដើម្បីចូលរួមស្តាប់សវនាការលើសំណុំរឿង ០០២/០២ ជាធម្មតាឡើងវិញ។

អង្គជំនុំជម្រះវិសាមញ្ញក្នុងតុលាការកម្ពុជានឹងមិនសំណើរការងារនៅថ្ងៃទី៤ ខែតុលា ឆ្នាំ ២០១៦ ឡើយ ដោយសារតែកម្រិតទឹកឡើងខ្ពស់នៅក្នុងបរិវេណតុលាការ។ កាលបរិច្ឆេទសវនាការលើសំណុំរឿង ០០២/០២ ក៏ត្រូវបានលើកពេល។ យើងខ្ញុំនឹងផ្តល់ព័ត៌មានដល់សាធារណជន បន្ថែមទៀតទាក់ទងនឹងដំណើរការរបស់តុលាការនៅថ្ងៃបន្តបន្ទាប់។ លោកអ្នកអាចទាក់ទងមន្ត្រីបុគ្គលិករបស់តុលាការបានតាមទូរស័ព្ទចល័ត។ យើងខ្ញុំសូមអភ័យទោសចំពោះផលវិបាកទាំងឡាយ។

រដ្ឋាភិបាលឥណ្ឌាបានប្រកាសផ្តល់វិភាគទានជាទឹកប្រាក់ចំនួន ៥០ ០០០ ដុល្លារសហរដ្ឋអាមេរិកដល់ភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក)។ ជាមួយនឹងវិភាគទានថ្មីនេះ ជំនួយហិរញ្ញវត្ថុដែលផ្តល់ដោយប្រទេសឥណ្ឌា ដល់ អ.វ.ត.ក ចាប់តាំងពីតុលាការដំណើរការពីឆ្នាំ ២០០៦ មក មានចំនួនសរុប ១ ០៥០ ០០០ ដុល្លារអាមេរិក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានមានប្រសាសន៍ថា  ក្នុងនាម អ.វ.ត.ក យើងខ្ញុំសូមថ្លែងអំណរគុណរដ្ឋាភិបាលឥណ្ឌាចំពោះការបន្តការគាំទ្រនេះ។ 

អនុវត្តតាមការសន្យាកាលពីឆ្នាំមុនក្នុងការផ្តល់ជំនួយហិរញ្ញវត្ថុក្នុងទឹកប្រាក់សរុបចំនួន ៨,៩ លានអឺរ៉ូ ជូនអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ឆ្នាំ ២០១៥ ដល់ ឆ្នាំ ២០១៦ សហភាពអឺរ៉ុបបានធ្វើការទម្លាក់កញ្ចប់ថវិកាឧបត្ថម្ភចុងក្រោយរបស់ខ្លួនដែលមានទឹកប្រាក់ចំនួន ២,៩ លានអឺរ៉ូ ក្នុងនោះ ថវិកាចំនួន ១,៥ លានអឺរ៉ូ សម្រាប់គាំទ្រភាគីអន្តរជាតិ និង ១,៤ លានអ

រដ្ឋាភិបាលស៊ុយអែត បានផ្តល់ជំនួយហិរញ្ញវត្ថុថ្មីចំនួន ២៨ លានក្រូណា ដើម្បីគាំទ្រភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ដំណើរការ និងបែងចែករយៈពេលបួនពីឆ្នាំ២០១៦ ដល់ឆ្នាំ ២០១៩។  ស៊ុយអែតជាម្ចាស់ជំនួយដ៏សំខាន់របស់អ.វ.ត.កនិងជាសមាជិកមួយនៃក្រុមប្រទេសផ្តល់ជំនួយសំខាន់ៗ។ ជាមួយនឹងវិភាគទានថ្មីនេះ ជំនួយហិរញ្ញវត្ថុដែលផ្តល់ដោយប្រទេសស៊ុយអែត ដល់ អ.វ.ត.ក មានចំនួនសរុបចំនួន ៩,៩៧ លានដុល្លារអាមេរិក (យោងតាមតម្លៃអាត្រាប្តូរប្រាក់ពីក្រូណាស៊ុយអែតមកដុល្លារអាមេរិក)។  ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រូហ្សិនហក អនុប្រធានការិយាល័យ រដ្ឋបាលន

គម្រោងថវិការបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ឆ្នាំ ២០១៦-២០១៧ ត្រូវបានអនុម័តដោយក្រុមប្រទេសផ្តល់ជំនួយសំខាន់ៗរបស់ អ.វ.ត.ក ហើយត្រូវបានផ្សព្វផ្សាយនៅលើគេហទំព័ររបស់ អ.វ.ត.ក រួចហើយនាពេលនេះ។ ថវិកាសរុបចំនួន ៣២,៣ លានដុល្លារអាមេរិក នឹងត្រូវចំណាយសម្រាប់ឆ្នាំ ២០១៦ និងចំនួន ២៦,៥ លានដុល្លារអាមេរិកសម្រាប់ឆ្នាំ ២០១៧ ដោយបែងចែកដូចខាងក្រោម៖                      ឆ្នាំ ២០១៦                 &nb

រដ្ឋាភិបាលជប៉ុនបានប្រកាសផ្តល់វិភាគទានថ្មីបន្ថែមចំនួន ១ ២២១ ៨១៨ ដុល្លារអាមេរិកដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ រដ្ឋាភិបាលជប៉ុន គឺជាប្រទេសម្ចាស់ជំនួយធំជាងគេរបស់ អ.វ.ត.ក ហើយបានផ្តល់ការគាំទ្រចំពោះតុលាការនេះចាប់តាំងពីដំណើរការដំបូងមកម្ល៉េះ។ ជាមួយការផ្តល់វិភាគទានថ្មី នេះ ជំនួយហិរញ្ញវត្ថុដែលប្រទេសជប៉ុនបានផ្តល់ដល់ អ.វ.ត.ក សរុបចំនួនជាង ៨៣ លានដុល្លារអាមេរិក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រ៉ូហ្សិនហក អនុប្រធានការិយាល័យរដ្ឋបាល មានប្រសាសន៍ថា៖“ក្នុងនាម អ.វ.ត.ក យើងខ្ញុំសូមថ្លែងអំណរគុណចំពោះរដ្ឋាភិបាលជប៉ុនដែលបានគាំទ្រ និង

រដ្ឋាភិបាលអូស្ត្រាលីបានសន្យាផ្តល់ជំនួយថវិកាថ្មីចំនួន ៣ ២៥០ ០០០ ដុល្លារអូស្ត្រាលី ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា ( អ.វ.ត.ក)។ ជាមួយជំនួយថ្មីនេះ រដ្ឋាភិបាលអូស្ត្រាលីបានផ្តល់ថវិកាសរុបជាង ២៩ លានដុល្លារអូស្ត្រាលី។ អូស្ត្រាលីជាប្រទេសម្ចាស់ជំនួយធំទី២ របស់អ.វ.ត.កដែលបានគាំទ្រតុលាការនេះ តាំងពីការចាប់ផ្តើមដំណើរការមក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រ៉ូហ្សិនហក អនុប្រធានការិយាល័យរដ្ឋបាលនៃអ.វ.ត.ក បានមានប្រសាសន៍ថា៖ «ក្នុងនាម អ.វ.ត.ក យើងខ្ញុំសូមសម្តែងនូវកតវេទិតាគុណចំពោះការបន្តការគាំទ្ររបស់រាជរដ្ឋាភិបាលអូស្ត្រាលី។ វិភាគទានថ្មីនេះ នឹងជួយ អ

សហភាពអឺរ៉ុបបានសម្រេចផ្តល់ជំនួយថវិកាថ្មីចំនួន ៨,៩ លានអឺរ៉ូ ជូនដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់គម្រោងថវិកាឆ្នាំ ២០១៥ និង ២០១៦។ សម្រាប់ឆ្នាំ ២០១៥នេះ សហភាពអឺរ៉ុប ផ្តល់វិភាគទានចំនួន ២ លានអឺរ៉ូ ដល់ភាគីជាតិ និងចំនួន ៣,៥ លានអឺរ៉ូដល់ភាគីអន្តរជាតិនៃអ.វ.ត.ក។    ការបែងចែកថវិកានៅសល់ចំនួន ៣,៤ លានអឺរ៉ូ នឹងត្រូវសម្រេច នៅឆ្នាំ ២០១៦។ សហភាពអឺរ៉ុបជាម្ចាស់ជំនួយធំមួយក្នុងចំណោមម្ចាស់ជំនួយធំៗរបស់ អ.វ.ត.ក ហើយជាមួយនឹងវិភាគទានថ្មីនេះ សហភាពអឺរ៉ុបបានផ្តល់ជំនួយថវិកាសរុបចំនួន ១៦,២ លានអឺរ៉ូ ចាប់តាំងពី អ.វ.ត.ក ដំណើរការនៅឆ្នាំ ២០០៦ រហូតមកដល់ពេលនេះ។

គម្រោងថវិកាកែសម្រួលថ្មីសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយពេលនេះត្រូវបានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។

រដ្ឋាភិបាលជប៉ុនបានសម្រេចផ្តល់ជំនួយថវិកាថ្មីមួយទៀត ចំនួន ១ ៣៨៥ ៥៦៧ ដុល្លារសហរដ្ឋអាមេរិក ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជប៉ុន គឺជាប្រទេសផ្តល់ជំនួយធំបំផុតរបស់ អ.វ.ត.ក ហើយជាមួយការផ្តល់វិភាគទានថ្មីបន្ថែមនេះ ប្រទេសជប៉ុនបានផ្តល់ជំនួយហិរញ្ញវត្ថុដល់សាលាក្តីខ្មែរក្រហម សរុបចំនួនជាង ៨២ លានដុល្លារសហរដ្ឋអាមេរិក ស្មើប្រមាណ ៣៦ ភាគរយនៃជំនួយថវិកាសរុប ដែលប្រទេសម្ចាស់ជំនួយផ្តល់ដល់ អ.វ.ត.ក។

រដ្ឋាភិបាលនៃប្រទេសឈីលី បានប្រកាសផ្តល់ជំនួយថវិកាចំនួន ១០ ០០០ ដុល្លារសហរដ្ឋអាម៉េរិកដល់ភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ឈីលីគឺជាប្រទេសផ្តល់ជំនួយថ្មីមួយទៀតដល់អ.វ.ត.ក ហើយការផ្តល់ជំនួយថវិកានេះបានធ្វើឡើងដើម្បីឆ្លើយតបទៅនឹងការអំពាវនាវរបស់ឯកឧត្តម បាន គីមូន អគ្គលេខាធិការអង្គការសហប្រជាជាតិ និងរាជរដ្ឋាភិបាលកម្ពុជាដល់រដ្ឋជាសមាជិកទាំងអស់ ជួយផ្តល់នូវការគាំទ្រផ្នែកហិរញ្ញវត្ថុជាបន្ទាន់ដល់ អ.វ.ត.ក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រ៉ូហ្សិនហក អនុប្រធានការិយាល៏យរដ្ឋបាលនៃ អ.វ.ត.ក. បានមានប្រសាសន៍ថា៖ “ជាមួយការប្រឈម

អង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) សហការជាមួយវិទ្យាស្ថានសិទ្ធិមនុស្ស និងច្បាប់ ព្រហ្មទណ្ឌអន្តរជាតិ Raoul Wallenberg (RWI) ជាម្ចាស់ផ្ទះរៀបចំសិក្ខាសាលាជាច្រើនស្តីពីប្រធានបទផ្សេងៗជុំវិញច្បាប់ព្រហ្មទណ្ឌអន្តរជាតិ និងច្បាប់សិទ្ធិមនុស្ស។ សិក្ខាសាលាទាំងនេះមានគោលបំណងបង្កើនការយល់ដឹង និងចំណេះដឹងអំពីប្រធានបទទាំងនេះដល់និស្សិតច្បាប់និងសាស្រ្តាចារ្យ/អ្នកស្រាវជ្រាវច្បាប់នៅក្នុងប្រទេសកម្ពុជាព្រមទាំងជាវេទិកាជជែកពិភាក្សារវាងអ្នកច្បាប់នៅ អ.វ.ត.ក និងអ្នកសិក្សា

រដ្ឋាភិបាលស៊ុយអែតបានប្រកាសផ្តល់វិភាគទានថ្មីមួយទៀតចំនួន ៣០ លានក្រូណា (ប្រហាក់ប្រហែល ៤,៥ លានដុល្លារសហរដ្ឋអាម៉េរិក) ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ឆ្នាំ ២០១៤ និង២០១៥។ ជាមួយការផ្តល់វិភាគទានថ្មីនេះ ប្រទេសស៊ុយអែត បានផ្តល់ជំនួយហិរញ្ញវត្ថុដល់ អ.វ.ត.ក ចំនួនជាង ១០ លានដុល្លារសហរដ្ឋអាម៉េរិក។ ស៊ុយអែតគឺជាប្រទេសម្ចាស់ជំនួយដ៏សំខាន់មួយរបស់ អ.វ.ត.ក ហើយក៏ជាសមាជិកមួយក្នុងចំណោមក្រុមប្រទេសផ្តល់ជំនួយសំខាន់ៗ ដល់ អ.វ.ត.កដែរ។

រដ្ឋាភិបាលនៃប្រទេសន័រវេ បានអនុម័តយល់ព្រមថាវិភាគទានហិរញ្ញវត្ថុរបស់ខ្លួនចំនួនទឹកប្រាក់ ៦ លានក្រូន័រ (ប្រមាណ ១ លានដុល្លារអាម៉េរិក)ដែលផ្តល់ជូននាពេលថ្មីៗ កន្លងទៅនេះ អាចបង្វែរពីភាគីអន្តរជាតិទៅភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) វិញ ដើម្បីចំណាយលើប្រាក់បៀវត្សរ៍របស់មន្ត្រីបុគ្គលិកភាគីជាតិ។

រដ្ឋាភិបាលនៃប្រទេសន័រវេបានប្រកាសសន្យាផ្តល់ជំនួយថវិកាថ្មីចំនួន ៦ លានក្រោន (ប្រហែល១លានដុល្លារអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជាមួយការសន្យាផ្តល់ថវិកាចុងក្រោយនេះ ប្រទេសន័រវេបានផ្តល់វិភាគទានហិរញ្ញវត្ថុមកកាន់ អ.វ.ត.ក មានចំនួន៧លានដុល្លារអាមេរិក និងបានគាំទ្រចំពោះសាលាក្តីចាប់តាំងពីការបង្កើតដំបូងមកម៉្លេះ។ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖’ក្នុងនាម អ.វ.ត.ក យើងខ្ញុំសូមថ្លែងអំណរគុណយ៉ាងស្មោះស្ម័គ្រចំពោះជំនួយសប្បុរស និងការបន្តគាំទ្ររបស់រដ្ឋាភិបាលន័រវេចំពោះ អ.វ.ត.ក”។

គម្រោងថវិកាសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយក៏បានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។ ថវិកាសរុបសម្រាប់ឆ្នាំ២០១៤ មានចំនួន ៣១,៦ លាន ដុល្លារអាមេរិក  និង សម្រាប់ឆ្នាំ២០១៥ ចំនូន ២៨,៩ លាន ដុល្លារអាមេរិក (តួលេខនេះគឺរួមបញ្ចូលកញ្ចប់ថវិកាសម្រាប់ករណីបន្ទាន់ផងដែរ)  និងត្រូវបានបែងចែកដូចខាងក្រោម៖ឆ្នាំ២០១៤  ភាគីជាតិ     ៦,៤  លាន ដុល្លារអាមេរិកភាគីអន្តរជាតិ     ២៥,២  លាន ដុល្លារអាមេរិក  

   រដ្ឋាភិបាលនៃប្រទេសអូស្ត្រាលី បានសន្យាផ្តល់ជំនួយថ្មីបន្ថែមទៀត ចំនួនទឹកប្រាក់ ៣,២៥ លានដុល្លារអូស្ត្រាលីដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។រដ្ឋមន្ត្រីក្រសួងការបរទេសអូស្ត្រាលី លោកព្រឹទ្ធសមាជិក ប៊ប់ ខា (Bob Carr) បានប្រកាសពីការ សន្យាផ្តល់ជំនួយថវិកាថ្មីនេះ កាលពីថ្ងៃទី១៨ ខែមិថុនា ឆ្នាំ ២០១៣ កន្លងទៅ។ លោករដ្ឋមន្ត្រី ប៊ប់ ខា មានប្រសាសន៍នៅក្នុងសេចក្តីថ្លែងការណ៍ជាផ្លូវការថា៖ “សវនាការរបស់ អ.វ.ត.ក ដើរតួនាទីយ៉ាងសំខាន់មួយនៅក្នុងការផ្តល់យុត្តិធម៌ជូនដល់ពលរដ្ឋខ្មែរដែលទទួលរងគ្រោះឈឺចាប់ខ្លោចផ្សាមិនអាចពិពណ៌នាបាននៅក្នុងអំឡុងរបបខ្មែរក្រហម”។

រដ្ឋាភិបាលន័រវែសបានផ្តល់ជំនួយថវិកាថ្មីបន្ថែមទៀតចំនួន ៦ លានន័រវែសក្រោន (ប្រមាណ ១លាន ដុល្លារអាមេរិក)ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ឆ្លើយតបនឹងជំនួយសប្បុរសនេះ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ខ្នុត រ៉ូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖ “យើងខ្ញុំសូមថ្លែងអំណរគុណចំពោះការសម្រេចចិត្តរបស់រដ្ឋាភិបាលន័រវែសដែលបានបន្តគាំទ្រ អ.វ.ត.ក តាមរយៈការផ្តល់វិភាគទានហិរញ្ញវត្ថុនេះ”។

ជាមួយសេចក្តីសោកស្តាយ  អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមប្រកាសជូនដំណឹងអំពីមរណភាពរបស់ជនជាប់ចោទ អៀង សារី។ លោក អៀង សារី បានស្លាប់នៅក្នុងមន្ទីរពេទ្យមិត្តភាពខ្មែរ-សូវៀត នៅព្រឹកថ្ងៃនេះ បន្ទាប់ពីបានចូលសម្រាកព្យាបាលជំងឺនៅមន្ទីរពេទ្យនៅថ្ងៃទី៤ ខែមីនា ឆ្នាំ២០១៣។  អនុលោមតាមវិធាន ៣២ស្ទួននៃវិធានផ្ទៃក្នុងរបស់ អ.វ.ត.ក សហព្រះរាជអាជ្ញានឹងបញ្ជាក់អំពីមូលហេតុពិតប្រាកដនៃការស្លាប់នេះ បន្ទាប់ពីបានធ្វើការ ស៊ើបអង្កេតពាក់ព័ន្ធនានា។ សហព្រះរាជអាជ្ញានឹងចេញរបាយការណ៍ជាលាយលក្ខណ៍អក្សរមួយអំពីការរកឃើញ របស់គាត់នៅក្នុងពេលឆាប់ៗខាងមុខនេះ។

រដ្ឋាភិបាលនៃចក្រភពអង់គ្លេស​បាន​សន្យា​ផ្តល់​ជំនួយ​ថវិកា​បន្ថែម​ចំនួន ១,៤ លានផោន (ប្រមាណ ២,២ លាន ដុល្លារ​អាមេរិក) ដល់ភាគី​អន្តរជាតិ​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក)។

គម្រោងថវិកាកែសម្រួលថ្មីសម្រាប់ឆ្នាំ ២០១២-១៣ របស់​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) បាន​អនុម័ត​ដោយ​ក្រុមប្រទេស​ផ្តល់ជំនួយ​សំខាន់ៗ ហើយ​ក៏បាន​ផ្សព្វផ្សាយ​នៅ​លើ​គេហទំព័រ​របស់ អ.វ.ត.ក រួចហើយ។ក្នុង​គម្រោង​ថវិកា​កែសម្រួល​នេះ អ.វ.ត.ក បាន​កាត់​បន្ថយ​ថវិកា​សម្រាប់​ឆ្នាំ ២០១២-១៣ ចំនួន ១៥,១ លាន ដុល្លារអាមេរិក ហើយ​ថវិកា​សរុប​នៅក្នុង​គម្រោង​ដែល​បាន​កែសម្រួល​រួចហើយ គឺ ៦៩,៦ លាន ដុល្លារ អាមេរិក (តួលេខនេះ​មិន​រួមបញ្ចូល​កញ្ចប់​ថវិកា​សម្រាប់​ករណី​បន្ទាន់​នោះទេ) និង​ត្រូវបាន​បែងចែក​ដូច​ខាងក្រោម៖

កាល​ពីថ្ងៃទី ​១៧ ​ខែ ​មករា ​ឆ្នាំ ​២០១៣​ ស្ថានទូតប្រទេសជប៉ុនប្រចាំទីក្រុងភ្នំពេញ បានប្រកាសផ្តល់ថវិកាចំនួន ២,៥ លានដុល្លារសហរដ្ឋអាមេរិក ដែលជាវិភាគទានរបស់រាជរដ្ឋាភិបាលជប៉ុន ទៅឲ្យភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ប្រទេសជប៉ុនគឺជាប្រទេសផ្តល់ជំនួយធំបំផុតរបស់តុលាការនេះ ដែលបានផ្តល់ថវិកាជាទឹកប្រាក់សរុប ៧៨,៧ លានដុល្លារសហរដ្ឋអាមេរិក (៦២,៦ លានដុល្លារសម្រាប់ភាគីអន្តរជាតិ និង ១៦,១ លានដុល្លារសម្រាប់ភាគីជាតិ) ចាប់តាំងពីតុលាការនេះ ចាប់ផ្តើមដំណើរការក្នុងឆ្នាំ ២០០៦ មក។ ថវិកានេះមានចំនួនប្រហែល ៤៤% នៃថវិកាទាំងមូលរបស់ប្រទេសផ្តល់ជំនួយដល់អ.វ.ត.ក។ ប្រធានការិយាល័យរដ្ឋបាលស្តីទី