អោ អាន

Photo


Alias
ឱម យឿង, អោ យឿង, តា អាន
Place of birth
ភូមិតាំងស្វាយ ឃុំពាម ស្រុកកំពង់ត្រឡាច ខេត្តកំពង់ឆ្នាំង ក្នុងឆ្នាំ១៩៣៣
Arrested date
Defence counsel
លោក មុំ លុជ្ស (កម្ពុជា) និង លោក Göran SLUITER (ហូឡង់) និងលោក Richard ROGERS (ចក្រភពអង់គ្លេស)
Alleged Position in Democratic Kampuchea
  • លេខាតំបន់ ៤១ (ភូមិភាគកណ្តាល)
  • សមាជិក​គណៈកម្មាធិការ​ភូមិភាគកណ្តាល
  • អនុលេខាភូមិភាគ​កណ្តាល (នៅចុងឆ្នាំ​១៩៧៧ ដល់ខែ​មករា ឆ្នាំ​១៩៧៩)
Status of case

ថ្ងៃទី២០ ខែវិច្ឆិកា ឆ្នាំ២០០៨៖ សហព្រះរាជអាជ្ញាអន្តរជាតិចេញដីកា​
សន្និ​ដ្ឋាន​បញ្ជូនរឿងឲ្យស៊ើបសួរលើកទីបី។ ដីកាសន្និដ្ឋានបញ្ជូនរឿងឲ្យ​ស៊ើប​សួរ​បន្ថែមត្រូវបានដាក់នៅថ្ងៃទី១៨ ខែកក្កដា ឆ្នាំ២០១១ ថ្ងៃទី២៤ ខែមេសា ឆ្នាំ២០១៤ ថ្ងៃទី៤ ខែសីហា ឆ្នាំ២០១៥ និងថ្ងៃទី២០ ខែវិច្ឆិកា ឆ្នាំ២០១៥។

ថ្ងៃទី២៧ ខែមីនា ឆ្នាំ២០១៥៖ សហចៅក្រមស៊ើបអង្កេតអន្តរជាតិ​​ បានចោទ​ប្រកាន់​ អោ អាន ​ពី​ឧក្រិដ្ឋកម្មនានា​ដែលស្ថិត​ក្រោម​យុត្តាធិការ​របស់​ អ.វ.ត.ក។ បទចោទ​បន្ថែមទៀត ត្រូវបានដាក់ជូនដោយ​​សហ​ព្រះ​រាជ​អាជ្ញា​អន្តរជាតិ នៅថ្ងៃទី១៤ ខែ​មីនា ឆ្នាំ​២០១៦។

ថ្ងៃទី១៦ ខែធ្នូ ឆ្នាំ២០១៦៖ សហចៅក្រមស៊ើបអង្កេតអន្តរជាតិបាន​កាត់បន្ថយវិសាលភាព​នៃ​កិច្ច​ស៊ើបសួរ​ ដោយ​អនុលោម​តាម​​​វិធាន ៦៦ស្ទួន នៃ​វិធានផ្ទៃក្នុង។ នៅថ្ងៃដដែលនេះដែរ សហចៅ​ក្រម​ស៊ើបអង្កេតអន្តរជាតិ បានជូនដំណឹងដល់​ភាគី​ទាំងអស់​ពី​​ការបិទបញ្ចប់កិច្ច​ស៊ើប​សួរ។

ថ្ងៃទី១៦ ខែសីហា ឆ្នាំ២០១៨៖ សហចៅក្រមស៊ើបអង្កេត​​បាន​ចេញ​ដីកា​ដំណោះស្រាយ​ដាច់ដោយ​ឡែកពីគ្នា។​ សហចៅក្រមស៊ើបអង្កេត​ជាតិ​បានលើកលែង​បទចោទប្រឆាំង​ អោ អាន ដោយសារតែ​​ពុំមាន​​យុត្តា​ធិការ​បុគ្គល​ ចំណែកឯសហចៅក្រមស៊ើបអង្កេត​អន្តរជាតិវិញ​​បាន​ចោទ​ប្រកាន់ អោ អាន ពីបទប្រល័យពូជសាសន៍ ឧក្រិដ្ឋកម្ម​ប្រឆាំងមនុស្ស​ជាតិ និង​ឧក្រិដ្ឋកម្ម​សង្រ្គាម។

ថ្ងៃទី១៩-២១ ខែមិថុនា ឆ្នាំ២០១៩៖ អង្គបុរេជំនុំជម្រះបានបើក​សវនា​ការ​ចំនួនបីថ្ងៃ​សម្រេច​លើ​បណ្តឹងឧទ្ធរណ៍​​ប្រឆាំងនឹង​ដីកា​ដំណោះស្រាយ និង​បាន​ចេញ​​របាយការណ៍​សាធារណៈ​​នៃសំណុំរឿងនេះ និង​បណ្តឹងឧទ្ធរណ៍។

ថ្ងៃទី១៩ ខែធ្នូ ឆ្នាំ២០១៩៖ អង្គបុរេជំនុំជម្រះបានចេញសេចក្តីពិចារណា របស់ខ្លួនលើបណ្តឹងឧទ្ធរណ៍ប្រឆាំងដីកាដំណោះស្រាយ ដោយ​​សម្រេច​ថា ការ​ចេញ​ដីកា​​ដំណោះស្រាយ​ពីរ​ផ្ទុយគ្នា​ ដោយ​សហចៅក្រម​ស៊ើបអង្កេត​ទាំងពីរ គឺផ្ទុយ​នឹង​ច្បាប់។ ដោយសារចៅក្រមមិនអាចរក​សំឡេង​ភាគ​ច្រើន​ដែល​តម្រូវ​​សម្រាប់​​​ការ​ចេញ​សេចក្តី​សម្រេច​បាន ចៅក្រម​​ទាំងនេះ​​បានភ្ជាប់​មកជាមួយ​នូវ​មតិ​យោបល់​របស់​ពួកគាត់​រៀងៗខ្លួន។

ថ្ងៃទី០៣ ខែមេសា ឆ្នាំ២០២០៖ ក្រោយ​ពីទទួលបាន​​ការ​ប្រាស្រ័យ​ទាក់ទង​គ្នា​ពីសំណាក់​ភាគី ចៅក្រម​នៃ​អង្គជំនុំជម្រះសាលាដំបូងបានចេញ​សេចក្តី​ថ្លែង​​ការណ៍មួយ ដោយកត់សម្គាល់​ថា​ ពួកគាត់​​ពុំបានទទួល​​សំណុំរឿងនេះ​ពី​អង្គ​បុរេ​ជំនុំជម្រះទេ និងថា “សេចក្តី​សម្រេច​ផ្លូវការ​របស់​អង្គជំនុំជម្រះ​សាលាដំបូង​ មិនអាច​ធ្វើ​ទៅបាន​ឡើយ” នៅក្នុង​សំណុំរឿង ០០៤/០២។ សហព្រះរាជ​អាជ្ញា​អន្តរជាតិ​បាន​ប្តឹងសាទុក្ខទៅ​អង្គជំនុំជម្រះ​តុលាការ​កំពូល ដោយ (ក្នុងនោះ) ​ស្នើសុំឲ្យ​បញ្ជាក់​ពី​​សច្ចភាព​ផ្លូវច្បាប់​ ​ទៅលើ​ស្ថានភាព​នៃ​សំណុំ​រឿង​ប្រឆាំងនឹង អោ អាន។

ថ្ងៃទី ១០ ខែសីហា ឆ្នាំ២០២០៖ ដោយកត់សម្គាល់ឃើញថាមិនមានកិច្ចព្រមព្រៀងណាមួយត្រូវបានធ្វើឡើងថាតើ អោ អាន ស្ថិតនៅក្រោមយុត្តាធិការរបស់ អ.វ.ត. បន្ទាប់ពីការស៊ើបអង្កេតអស់រយៈពេល ១៣ ឆ្នាំ អង្គជំនុំជម្រះតុលាការកំពូលបានរកឃើញថា គ្មានការចោទប្រកាន់ច្បាស់លាស់ និងអាចអនុវត្តបានប្រឆាំងនឹង អោ អាន បានទេ។ ដោយពិចារណាលើសិទ្ធិទទួលបានរបស់ភាគីនីមួយៗចំពោះការសំរេចចិត្តចុងក្រោយនៃកិច្ចដំណើរការនីតិវិធី អង្គជំនុំជម្រះតុលាការកំពូលបានបញ្ចប់រឿងក្តីប្រឆាំងនឹង អោ អាន នៅចំពោះមុខ អ.វ.ត.ក។

Key indictment allegations
  • អំពើប្រល័យពូជសាសន៍លើជនជាតិចាម (នៅក្នុង​ខេត្ត​កំពង់​ចាម)
  • ឧក្រិដ្ឋកម្មប្រឆាំងមនុស្សជាតិ ក្រោមទម្រង់ជាការធ្វើមនុស្សឃាត ការសម្លាប់​រង្គាល ការ​ដាក់ជាទាសករ ការ​​ដាក់​ពន្ធនាគារ​ អំពើ​ទារុណ​កម្ម អំពើអមនុស្សធម៌ដទៃទៀត (រួមមាន អាពាហ៍ពិពាហ៍​ដោយ​បង្ខំ) ការធ្វើទុក្ខបុកម្នេញដោយមូលហេតុនយោបាយ និង​សាសនា
  • ការរំលោភបំពានលើក្រមព្រហ្មទណ្ឌឆ្នាំ១៩៥៦ គឺអំពើមនុស្សឃាត​ដោយចេតនា។

ឧក្រិដ្ឋកម្មប្រឆាំងមនុស្សជាតិ និងការរំលោភបំពានលើក្រមព្រហ្មទណ្ឌឆ្នាំ​១៩៥៦ គឺត្រូវបានចោទប្រកាន់ថា បានប្រព្រឹត្ត​នៅតាមតំបន់ និង​ទីតាំង​នា​នា​ដូចខាងក្រោម៖

  • ការដ្ឋាន​​​ធ្វើ​ពលកម្ម​ដោយបង្ខំ​នៅ​ទំនប់​អន្លង់ជ្រៃ
  • ​ទីតាំងសម្លាប់​មនុស្ស​គោកព្រីង
  • មន្ទីរ​សន្តិសុខ​មិត្តសុប
  • មន្ទីរ​សន្តិសុខ​ទួលបេង និង​វត្ត​​អង្គួញដី
  • មន្ទីរសន្តិសុខវត្ត​អូរត្រកួន
  • មន្ទីរសន្តិសុខវត្ត​បាធាយ
  • មន្ទីរសន្តិសុខវត្ត​ភ្នំប្រុស
  • មន្ទីរសន្តិសុខវត្ត​តាមៈ

ឧក្រិដ្ឋកម្មប្រឆាំងមនុស្សជាតិ ក្រោមទម្រង់ជា​អំពើអមនុស្សធម៌​ដទៃទៀត តាមរយៈ​អាពាហ៍ពិពាហ៍​ដោយបង្ខំ ត្រូវបានចោទប្រកាន់ថាបានប្រព្រឹត្ត​នៅតាម​តំបន់ និង​ទីតាំង​នា​នា​ដូចខាងក្រោម៖

  • ស្រុកកំពង់សៀម (តំបន់ ៤១)
  • ស្រុកព្រៃឈរ (តំបន់ ៤១)
Cases សំណុំរឿង​ ០០៤សំណុំរឿង ០០៤/២

អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា ចាប់ផ្តើមសវនាការដែលមានរយៈពេលបីថ្ងៃ នៅក្នុងសំណុំរឿង ០០៣ ប្រឆាំង មាស មុត

អង្គបុរេ​ជំនុំជម្រះ​នៃ​អង្គជំនុំជម្រះវិសាមញ្ញ​ក្នុង​តុលាការ​កម្ពុជា ​ចាប់ផ្តើម​សវនាការ​ដែល​មាន​រយៈ​ពេល​បីថ្ងៃ នៅក្នុង​សំណុំ​រឿង ០០៣ ប្រឆាំ

ការតែងតាំងសហព្រះរាជអាជ្ញាអន្តរជាតិថ្មី

បន្ទាប់ពីមានការចាត់តាំងពីឯកឧត្តម António Guterres អគ